საშიშია თუ არა ჯანმრთელობისთვის ლამინატის იატაკი

ჩვენი რჩევები

საშიშია თუ არა ჯანმრთელობისთვის ლამინატის იატაკი

2019 ნოე 8 18:07:41

დღეს მოჭიმული იატაკი და ლამინატი შეგიძლიათ იხილოთ ბევრ ბინაში. ბაზარზეც ლამინატის ფართო არჩევანია, მაგრამ რამდენად უსაფრთხოა ეს მასალა ჩვენი ჯანმრთელობისთვის?

რისგან შედგება ლამინატი. მისი ნებისმიერი დაფა შედგება 4 შრისგან, რომელთაგან თითოეულს თავისი ფუნქცია აქვს. ლამინატის ქვედა ფენას დეფორმაციებისგან დაცვის ფუნქცია აკისრია და ნაკეთობას დამატებით სიმტკიცეს აძლევს. ზოგიერთი მწარმოებელი ამ ქვედა შრეზე ხმის მაიზოლირებელ ფენასაც აკრავს, რათა ლამინატზე სიარულის დროს ნაბიჯების ხმა ძლიერად არ ისმოდეს.

შემდეგი ფენა ლამინატის აწყობასა დაერთმანეთთან დაკავშირებაზე აგებს პასუხს.

მესამე შრე კი დეკორატიულია და სხვა არაფერია, თუ არა სპეციალური ქაღალდი, რომელზეც თქვენი ლამინატის სახეა აღბეჭდილი - ეს შეიძლება იყოს ქვის ან ხის იმიტაცია.

მეოთხე შრე ფისის ხსნარს წარმოადგენს, რომელიც თქვენს იატაკს იცავს გადახეხვისგან.

ლამინატის შემადგენლობის 80% ხეა, დანარჩენი კი სხვა მატერიალები, თუმცა, რაც უფრო იაფია ლამინატი, მით უფრო მცირეა მასში ხის შემცველობა. ლამინატის ქვედა სამი შრე ადამიანისთვის უსაფრთხოა, რასაც მეოთხე შრეზე ვერ ვიტყვით.

ყველაზე ხშირად ზედა ფენისთვის სინთეტიკურ ფისს და სინთეტიკურ ლაქს იყენებენ, რაც ნამდვილად არ გახლავთ უსაფრთხო ნივთიერება ჩვენი ჯანმრთელობისთვის. მათ შემადგენლობაში ტოლუოლი და ქსილოლი შედის. ადამიანზე მათი ზემოქმედება შემდეგნაირად გამოიხატება: თვალების ჩაწითლება და ცრემლდენა, გამონაყარი კანზე, ნერვული სისტემის დარღვევა.

მედიცინაში ცნობილია შემთხვევები, როცა ტოლუოლი მუცლის მოშლის და უნაყოფობის მიზეზი გამხდარა.

ამ ნივთიერებების გარდა ლამინატში ფორმალდეჰიდის აღმოჩენაც შეიძლება, რომელიც იმუნური და ნერვული სისტემების მოშლას და ონკოლოგიურ დაავადებებსაც კი იწვევს.

თუმცა, სპეციალისტები ცდილობენ, დაგვარწმუნონ, რომ ლამინატიდან მავნე ნივთიერებების გამოყოფა ძალზედ უმნიშვნელო რაოდენობით ხდება, მაგრამ ეს ძირითადად, ძვირადღირებულ და სერტიფიცირებულ პროდუქციას ეხება, რაც შეეხება იაფფასიან პროდუქციას-აქ გარანტიებს ვერავინ მოგცემთ.

და მაინც, საშიშია თუ არა ლამინატის იატაკი? ერთმნიშვნელოვანი პასუხი ამ კითხვაზე არ არსებობს, რადგან დღეს, ძირითადად, ხელოვნური მასალებითაა ბაზარი გაჯერებული და უფრო სწორი იქნება შეკითხვა რომ ასე დავსვათ: როგორ შევამციროთ ლამინატის მავნე ზემოქმედება?

ლამინატის არჩევისას უპირატესობა მიანიჭეთ ხარისხიან პროდუქციას, მოითხოვეთ სერტიფიკატი და დარწმუნდით, რომ მასალა ჯანმრთელობისთვის საშიში არ არის. და თუ უკვე გაქვთ ლამინატის იატაკი - ხშირად გაანიავეთ ბინა, რადგან საქმე არა მხოლოდ თქვენი ბინის კომფორტს, არამედ თქვენსა და თქვენი ახლობლების ჯანმრთელობას ეხება.




 ახალი ამბები
  • ოზურგეთელი მოსწავლე, რომელიც საქართველოში სწავლის ზეშედეგს აჩვენებსმოსწავლეთა სასწავლო ოლიმპიადის მონაწილე,  ოზურგეთის პირველი საჯარო სკოლის მოსწავლე, გიორგი მეგრელიძე, ორი დღის წინ, რეიტინგული ცხრილის გამოქვეყნების შემდეგ, მეორე ტურში გადავიდა და მთელ საქართველოში, იმ ათას მოსწავლეს შორის უპირველესია, ვინც განსაკუთრებით მაღალი შედეგი აჩვენა ყველა საგანში: ინგლისურ ენაში, 40-დან 40 ქულა, ფიზიკაში, 25-დან 21 ქულა, მათემატიკაში 20-დან 18 ქულა და ბიოლოგიაში 20-დან 20 ქულა. _მხოლოდ კომაროვის სკოლის მოსწავლეებს შეუძლიათ, ფიზიკა-მათემატიკურ საგნებში ასეთი წარმატების მიღწევა. თუმცა, ეს საოცარი ბიჭი, ყველა საგანში ერთნაირად უძლიერესია, _ ამბობენ პირველი საჯარო სკოლის დირექციაში. მეგობრები კი სიყვარულით საუბრობენ გიორგის წარმატებებსა და მის გამორჩეულ პუნქტუალურ თვისებებზე: _ საოცრად მორიდებული და თავმდაბალი ადამიანია. ფეისბუკგვერდიც კი არ აქვს, რომ დრო არ დაკარგოს. იმდენი ჯილდო აქვს მიღებული წარმატებული სწავლისთვის, მარტო კომპიუტერები და სხვა მსგავსი ჯილდოები რომ გამოფინოს, ტექნიკის მაღაზია გაიხსნება, _ ხუმრობენ ისინი. გიორგი მეგრელიძეს „გურია ნიუსი“   დაუკავშირდა: _მოსწავლეთა სასწავლო შემოქმედებითი ოლიმპიადა წელიწადში ერთხელ, შემოდგომაზე იმართება. ახლა გამოქვეყნდა  სარეიტინგო ცხრილი და  გავიგე, რომ მეორე ტურში გადავედი, რომელიც იანვარში შედგება. შემდეგ კი მესამე ტური იქნება და საბოლოოდ გამარჯვებული გამოვლინდება... ფეისბუკი არ მაქვს. მიმაჩნია, რომ სწავლაში დროს წამართმევს, _ გვითხრა მან. მკითხველს შევახსენებთ, რომ გიორგი მეგრელიძე გასულ წელს „ეტალონის“ გამარჯვებულიც გახდა, ახლა კი წინ უფრო დიდი გამარჯვებებისკენ მიიწევს. „გურია ნიუსი“ წარმატებებს უსურვებს უნიჭიერეს ... ...
  • დავით მჟავანაძე სასამართლო დარბაზიდან გაათავისუფლესენმ-ს ოზურგეთელი  ლიდერი დავით მჟავანაძე და მასთან ერთად 18 ნოემბრის აქციის დროს დაკავებული ყველა პირი ადმინისტრაციული პატიმრობიდან გათავისუფლებულია. სასამართლოში საქმის განხილვა დღეს მოგვიანებით, პირველი საათიდან განახლდება. გადაწყვეტილება მოსამართლემ ღამის სამი საათისთვის მიიღო. თბილისის საქალაქო სასამართლოში ადმინისტრაციული წესით დაკავებულთა პროცესი დილის 11საათიდან მთელი დღის განმავლობაში მიმდინარეობდა. აღსანიშნავია, რომ პროცესი რამდენჯერმე გადაიდო. პოლიციისთვის დაუმორჩილებლობა და ხულიგნობისთვის სამართალდამცველებმა სულ 37 პირი დააკავეს. ყველა მათგანის საქმეს ერთი მოსამართლე განიხილავს. აქციის მონაწილეებისა და მათი ადვოკატების თქმით, ბრალდების დამადასტურებელი მტკიცებულება საქმეში არ არსებობს. დემონსტრანტებს ჯარიმა ან 15-დღიანი პატიმრობა ... ...
  • თბილისის საქალაქო სასამართლოს ეზოში ერთ-ერთმა აქტივისტმა თავის დაწვა სცადაცოტა ხნის წინ, თბილისის საქალაქო სასამართლოს ეზოში ახალგაზრდა მამაკაცმა საწვავი გადაისხა და თავის დაწვა სცადა.  ის ამით,  როგორც სასამართლოს ეზოში შეკრებილები ამბობდნენ, უკანონო დაჭერებს აპროტესტებდა, თუმცა მას ამის საშუალება არ მისცეს. სამართალდამცავებმა ახალგაზრდა მამაკაცი საქალაქო სასამართლოს ტერიტორიას ... ...
  • თბილისის საქალაქო სასამართლოში პოლიციაა მობილიზებულითბილისის საქალაქო სასამართლოში, სადაც ამ დროისთვის, 18 ნოემბერს დაკავებული აქციის მონაწილეების ნაწილის სასამართლო პროცესი მიმდინარეობს საპატრულო პოლიციის თანამშრომლები არიან მობილიზებულნი. ისინი აქ შეკრებილ აქციის მონაწილეებს და პოლიტიკოსებს, რომელთაც რუსთაველის გამზირიდან გადმოინაცვლეს, თავისუფლად გადაადგილების საშუალებას არ ... ...
  • რატომ გააძევეს დავით მჟავანაძის სასამართლო პროცესიდან სამი პირითბილისის საქალაქო სასამართლოში 18 ნოემბერს გამართული აქციების დროს დაკავებულთა პროცესზე საქართველოს სახელმწიფო ჰიმნი იმღერეს. დარბაზში დაკავებულებთან ერთად, ჰიმნი პროცესზე დამსწრეებმაც იმღერეს, რასაც ტაში და ოვაციები მოჰყვა. ამის შემდეგ მოსამართლე ვალერიან ფილიშვილმა სამი პირი დარბაზიდან გააძევა. ცნობისთვის, თბილისის საქალაქო სასამართლოში 18 ნოემბრის საპროტესტო აქციების დროს დაკავებული 6 პირის სასამართლო პროცესი თითქმის 4-საათიანი დაგვიანებით განახლდა. გიგა მაქარაშვილის, ირაკლი კაჭარავას, დიმიტრი ბიძინაშვილის, ირაკლი ნადირაძის, დავით მჟავანაძისა და პაატა სოსონაშვილის საქმეს მოსამართლე ვალერიან ფილიშვილი განიხილავს. დაკავებულების მიმართ გამოძიება ადმინისტრაციული კოდექსის 166-ე და 173-ე მუხლებით მიმდინარეობს, რაც 15 დღით თავისუფლების აღკვეთას ან ფინანსურ სანქციას გულისხმობს. შეგახსენებთ, შსს-ს ინფორმაციით, ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით გათვალისწინებული სამართალდარღვევისთვის სულ 37 პირია დაკავებული. ჯერჯერობით არც ერთი დაკავებულის საქმის განხილვა სრულყოფილად არ გამართულა. ყველა პროცესი ... ...

არქივი

ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...

დარწმუნებული ხართ თუ არა, რომ სასმელად ვარგის წყალს მოიხმართ?