ნარჩენების მართვის უნარით შეძენილი პროფესია, შესაძლოა, ბიზნესის კეთების საშუალებად იქცეს

კარმიდამო ჩემი

ნარჩენების მართვის უნარით შეძენილი პროფესია, შესაძლოა, ბიზნესის კეთების საშუალებად იქცეს

2019 მარ 8 15:26:13

ჩვენი წერილის გმირი, პროფესიით სამთო ინჟინერი, საკმაო შრომითი სტაჟის მქონე, უკვე ბაბუაა, თუმცა, დღეს ახლადათვისებულ პროფესიაში თავს ახალგაზრდად მიიჩნევს და დარწმუნებულია, უფრო და უფრო დახელოვნდება.

გელა ცენტერაძე ოზურგეთის მუნიციპალიტეტის სოფელ ნატანებში ცხოვრობს. ის, რითაც ნაცნობ-უცნობთა და ირგვლივ მყოფთა ყურადღება მიიქცია, სხვადასხვა სახეობის შინაური თუ გარეული ცხოველების ფიგურებად ჩამოსხმა ან მავთულების მეშვეობით სასურველ ფორმად შეკვრა, მერე სინთეტიკური მასალით დამზადებული, ხელოვნური ბალახის საფარით შეფუთვაა. ეს ყველაფერი ერთ დიდ ეგზოტიკურ სამყაროდ აქცია და ადგილი საკუთარ კარმიდამოში მიუჩინა.

თუ როგორ დაიწყო ახალი პროფესიის ათვისება, ამას ერთი უბრალო, მისივე თქმით, ღიმილისმომგვრელი ფაქტით ხსნის:

_ გაგეცინებათ და ასეთი ხელოვნების დაწყება არც მიფიქრია. გეტყვით გულწრფელად _ აგერ, ჩემი ეზოს მახლობლად არის საბავშვო მინი-სტადიონი, რომელიც ადგილობრივი ხელისუფლების ინიციატივით, ბავშვებისთვის მოაწყვეს. როცა სამუშაოები დასრულდა, ვნახე, რომ ხელოვნური ბალახის საფარის ნარჩენები ეყარა ირგვლივ. პირველ რიგში, რაც ვიფიქრე, იყო ის, რომ აქაურობა გამესუფთავებინა. არადა, ეს ნაკუწებიც ისე ლამაზი იყო, რაღაცნაირად დამენანა.

ცოტა უნარებიც გამაჩნია, რომ საკუთარი ხელით ვაკეთო რაღაც-რაღაცეები. გადავხედე ინტერნეტსივრცეს და ერთ რუსულ საიტზე ვნახე ნაკეთობები სახელწოდებით _ "ტოპიარნიე ფიგური", რომლის ზუსტი ქართული შესატყვისი, სიმართლე გითხრათ, ვერ ვნახე და საქმეს შევუდექი. მოკლედ, ეს არის ცემენტის, თაბაშირის საშუალებით ჩამოსხმული ან სულაც დრეკადი და გამძლე მავთულით შეკრული ფიგურები, რომელსაც შემდეგ აღნიშნული სინთეზური მასალით ვფუთავ.

ხშირად ვაგროვებ ასეთ ნარჩენებს _ ბევრგან აკეთებენ ხელოვნური საფარით სტადიონებს, ზოგჯერ სანაგვეებზეც ვპოულობ, _ ამბობს გელა ცენტერაძე.

მას, რა თქმა უნდა, სხვადასხვა დამხმარე საშუალებების _ საღებავები, მავთული, ლურსმანი, ჭიკარტი _ შეძენაც უხდება, მერე კი სასურველი ფორმით და საჭირო ფერებით დამუშავებული ცხოველთა სამყაროს წარმომადგენლები თუ სხვადასხვა ზღაპრის გმირები ცენტერაძეების კარმიდამოში განკუთვნილ ადგილს იკავებენ და ეზოს დეკორატიული მოწყობის სრულიად ახალ მოდელს და განწყობას ქმნიან.

ასე გახდა მისი ნამუშევრები სამეზობლოსთვის, ბავშვებისთვის, გამვლელ-გამომვლელთათვის ახლობელი და საყვარელი: "ზებრა", "სპილო", "წუნა და წრუწუნა", "ფიფქია და შვიდი ჯუჯა", "კარლსონი"...

_ გამოდის, რომ თქვენ ნარჩენების მართვის ოსტატიც გახდით და გარემოს დაცვის საქმეში, რაც დღეს უმწვავესი პრობლემა და გამოწვევაცაა საქართველოს ყველა რეგიონში, თქვენი წვლილი შეგაქვთ...

_ ასე გამოდის. გადაყრილი ნარჩენებით შევფუთე ჩემი ნამუშევრები და საზოგადოებრივ სივრცეში დავაბრუნე. საქმემ ისე გამიტაცა, რომ უკვე ყოველდღე სიახლეს ვეძებ. ვცდილობ, უფრო დავოსტატდე, შევქმნა ახალი ფიგურები, ახალი ნაკეთობები, რომელიც მარტო ცხოველთა და ფრინველთა ან ზღაპრების სამყაროს სამყაროს წარმომადგენლები კი არ იქნებa, არამედ ცხოვრებაში არსებული რეალური გმირები. მაგალითად, ვცადე ფეხბურთელ მესის ფიგურა გამეკეთებინა _ კარგად გამომივიდა და მოწონებაც დაიმსახურა. ბავშვების სიხარულს საზღვარი არ ჰქონდა, როცა ფიგურაში ფეხბურთელი ამოიცნეს. მერე სკოლის მოსწავლეები საექსკურსიოდაც მოიყვანეს ჩემს სახლში და ეზოს გამოფენა დაათვალიერეს, _ გვიამბობს ჩვენი მასპინძელი.

როგორც ნატანებში გვეუბნებიან, გელა ცენტერაძემ საკუთარ კარმიდამოს რომ ესთეტიური ელფერი შესძინა, ეს ერთი ღირსებაა, თუმცა, რა სიხარულიც უახლოეს ადამიანებს და განსაკუთრებით ბავშვებს არგუნა, ასევე, გარემო ზედმეტი ნარჩენებისგან გაასუფთავა, რაც შესაძლოა უფრო საშიში გამხდარიყო, ეს უფრო ღრმა თემაა. მით უფრო, როცა ის დაეძებს ასეთ და მსგავს ნარჩენებს და უკვე სულჩაბერილს საზოგადოებრივ სივრცეში აბრუნებს.

_ არავის წარმოედგინა, რომ გელა ცენტერაძის ოჯახში საექსკურსიოდ წასვლა ისე მოუნდებოდათ საბავშვო ბაღების აღსაზრდელებს თუ სკოლის მოსწავლეებს, როგორც, ვთქვათ, რომელიმე მუზეუმში, გასართობ პარკში ან კარგი ფილმის სანახავად ისურვებდნენ. ყველა ძალიან კმაყოფილია და ამავე დროს დაინტერესებული, ნახონ მისი ნამუშევრები, რომელიც განსაკუთრებით გაზაფხულზე და ზაფხულში შვენის მის კარმიდამოს, _ გვეუბნება სოფელ ნატანების მკვიდრი მაია ნაკაიძე.

გელა ცენტერაძე, ორ წელზე ცოტა მეტია, რაც ამ ახალი პროფესიითაა დაკავებული და თვითგანვითარების გზაზე გამუდმებით ცდილობს, ყოველდღე დაოსტატდეს და რაღაც ახალი შესძინოს თავის ხელოვნებას. რაც მთავარია, მას საკუთარი სურვილის გარეშე, კლიენტურაც გამოუჩნდა და დაკვეთაც მიიღო. მაგალითად, ჩამოასხა, შეკრა, შეფუთა და, ასე ვთქვათ, სული შთაბერა ტანდემს: "ფერადკანიანი გოგონები", რის ყიდვაც ურეკში ერთ-ერთი სასტუმროს ადმინისტრაციამ გადაწყვიტა. ასევე, დაკვეთები მიიღო საბავშვო ბაღებიდან.

_ გავაკეთე სპილოს მოდელი. მთელი თვე დავჭირდი ნამუშევრის დასრულებას. ბუნებრივია, დრო ფულია და ფასიც ისეთი უნდა დავადო, რომ ერთი თვის საშუალო ხელფასს მაინც გაუტოლდეს. არ მგონია, ასე დიდი ბიზნესი გავაკეთო, მაგრამ შემოსავლის წყარო უკვე გამიჩნდა. ყველაზე ძალიან კი ის მახარებს, რომ ბავშვები არიან აღფრთოვანებულები. სკოლიდან რომ ბრუნდებიან, სამეზობლოს ბავშვები ხშირად გამოივლიან ხოლმე, ათვალიერებენ ჩემს ნამუშევრებს. ზოგჯერ შენიშვნებს მაძლევენ, რაღაცას მასწავლიან _ ბავშვები ხომ ყველაზე უტყუარი შემფასებლები არიან?! განსაკუთრებით ჩემი შვილიშვილები მასწავლიან, მირჩევენ, მისწორებენ ბევრ რამეს. ერთს ძალიან უყვარს ხატვა და მის გემოვნებას ყველაზე მეტად ვენდობი. ვიცი, როცა რაღაცას მისწორებს, ნამდვილად არ ცდება. მიხარია, რომ მოკლე ხანში ასეთ წარმატებას მივაღწიე. ვნახოთ, რა გამომივა, _ გვეუბნება ბატონი გელა და განსაკუთრებულ მადლიერებას გამოხატავს მეუღლის მიმართ, რომელიც მუშაობის პროცესში ძალიან ეხმარება და ცდილობს, არ მოცდეს სხვა საქმეზე.

ჩვენი მასპინძელი იმის სურვილსაც გამოთქვამს, რომ ახალგაზრდებმა შეისწავლონ ეს პროფესია. მთავარია, სურვილი ჰქონდეთ და თავად ყველაფერში დაეხმარება. ამბობს იმასაც, რომ ასეთი ხელოვნება შესაძლებელია ცოცხალ ბუნებაში განავითარო, თავად ბუჩქოვან მცენარეებს მისცე ცხოველთა თუ ფრინველთა ფორმები, რაც დღეისთვის ევროპულ ქვეყნებში კეთდება, თუმცა, უდიდეს შრომას, ცოდნას და ნებისყოფას მოითხოვს. ეს კი ახალგაზრდობას მუდამ შეუძლია გააკეთოს.

გელა ცენტერაძეს საკუთარი ხელით და თავისივე პროექტით აქვს აშენებული სახლი და ასევე შიდა ინტერიერიც _ ბუხარი თუ სხვადასხვა სათავსოები. როგორც გვიამბობს, თავისივე ხელითა და საკუთარი გემოვნებით გააკეთა ისე, რომ არავინ დახმარებია.

ჩვენს საკმაოდ მორიდებულ რესპონდენტს საკუთარ თავზე საუბარი ეძნელება და გამუდმებით იმეორებს ერთსა და იგივეს _ ისეთს რას ვაკეთებ, ხალხი სასწაულებს ახდენს და აკეთებსო.

საქმეც იმაშია, რომ მან თვითონ შექმნა პატარა სასწაულები საკუთარ გარემოში, რომელიც ჯერ მეზობლებმა მოიწონეს, მერე ჭიშკართან გამვლელ-გამომვლელთა მანქანები ჩერდებოდნენ და აკვირდებოდნენ ყველაფერს. ბოლოს დაკვეთებიც გაჩნდა, როგორც რაიონიდან, ისე თბილისიდანაც.

ჩვენც ვუსურვებთ, კიდევ და კიდევ გაფართოებულიყოს ბატონი გელას შემოქმედებითი არეალი. რაც ყველაზე საყურადღებო და მისასალმებელია, მან ხომ ნარჩენების მართვის მეთოდს, ერთ მშვენიერ დღეს, საკუთარი უნარებისა და გამჭრიახობის წყალობით მიმართა და მოკლე ხანში საკმაოდ წარმატებულ შედეგს მიაღწია.




 ახალი ამბები
  • სემეკში თავმჯდომარის არჩევნები ჩატარდასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) კომისიის თავმჯდომარის არჩევნები  გაიმართა. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ახალი რეგულაციით,   კომისიის თავმჯდომარე ირჩევა 3 წლის ვადით, მაგრამ არაუმეტეს კომისიის წევრის უფლებამოსილების დარჩენილი ვადისა. კომისიაში განისაზღვრა თავმჯდომარის არჩევის წესი და პროცედურა. წესის შესაბამისად, არჩევნებში გამარჯვებულად ცხადდება ის კანდიდატი, რომელიც მიიღებს არჩევნებში მონაწილე წევრების ხმათა უმრავლესობას. ახალი პროცედურების მიხედვით, კენჭისყრის შედეგების დამტკიცება მოხდება საჯარო სხდომაზე. თავმჯდომარის უფლებამოსილების ვადის ათვლა დაიწყება საჯარო სხდომაზე კენჭისყრის შედეგების დამტკიცების მომენტიდან. საჯარო სხდომა ხვალ, 22 ოქტომბერს 11:00 საათზე გაიმართება.  (R) ... ...
  • საქართველოს ბანკის მხარდაჭერით NASA Space Apps Challenge-ს საქართველომ პირველად უმასპინძლა (R)საქართველოს ბანკის მხარდაჭერით, ილიას სახელმწიფო უნივერსიტეტის აბასთუმნის ასტროფიზიკურმა ობსერვატორიამ NASA Space Apps Challenge Abastumani-ს უმასპინძლა. 18-20 ოქტომბერს გამართული ჰაკათონის მთავარი მიზანი იყო ისეთ ინოვაციურ თემებზე მუშაობა, რომლებიც მიმართულია კაცობრიობისთვის მნიშვნელოვანი პრობლემატიკის მოგვარებისკენ. მაგალითად, როგორიცაა გლობალური დათბობა და მისი მავნე შედეგები, ოკეანის გასუფთავება მავნე ნივთიერებებისა და ნაგვისგან, მთვარის მტვრის იდენტიფიცირება და მისი ნეგატიური გავლენის შემცირების მექანიზმები და ა.შ.  ჰაკათონის ფარგლებში, ისევე, როგორც სხვა ქვეყნებში გამართული Space Apps Challenge-ის მონაწილეებს, საქართველოშიც ჰქონდათ ხუთი სამუშაო თემა: ოკეანეები, მთვარე, მზის სისტემის პლანეტები და ეგზოპლანეტები, გზა დედამიწიდან ვარსკვლავებისკენ, ცხოვრება ჩვენს სამყაროში. თემის არჩევის შემდეგ, მონაწილეებმა 48 საათის განმავლობაში იმუშავეს ისეთ პროექტებზე, როგორებიცაა: ღია ოკეანეში ინტერნეტთან წვდომის პრობლემის გადაჭრა, ვიდეოთამაშის მოფიქრება კოსმოსური ნარჩენების შესაგროვებლად; ციფრული გლობუსის ვებაპლიკაციის შექმნა, რომელიც დედამიწის სამეცნიერო მონაცემების ვიზუალიზაციას NASA-ს Web WorldWind-ის გამოყენებით შეძლებს და სხვა.  „საქართველოს ბანკისთვის მნიშვნელოვანია ინოვაციური პროექტების განხორციელების მხარდაჭერა. განსაკუთრებით ისეთი ფორმატისა, რომელშიც გამორჩეულ და საინტერესო იდეების მქონე ადამიანებს აქვთ შესაძლებლობა,  ფართო საზოგადოებას გააცნონ საკუთარი მიგნებები და ამავე დროს, გააცნონ საქართველო მსოფლიოს. საქართველოს ბანკისთვის მნიშვნელოვანია მსგავსი ღონისძიებების მხარდაჭერით ინოვაციების ხელშეწყობა“, - აცხადებენ საქართველოს ბანკში.  ინფორმაციისთვის, NASA Space Apps მსოფლიოში ყველაზე ფართომასშტაბიანი ჰაკათონია, რომელიც ერთდროულად იმართება 200 სხვადასხვა ადგილას და 48 საათი მიმდინარეობს. ის ინოვაციათა ინკუბატორის პროგრამაა. ჰაკათონში მონაწილეობა შეუძლია ყველას, ვისაც შეუსრულდა 18 წელი და დაინტერესებულია დედამიწისა და კოსმოსის კვლევებით, კოდირებით, ტექნოლოგიებით, დიზაინითა და სხვა გამოყენებითი მეცნიერებებით. პირველ და მეორე ადგილზე გასულ პროექტებს ფულადი ჯილდოები გადაეცათ. გამარჯვებულია გუნდი Algien პროექტით -  Nature at work, რომელიც ორიენტირებულია  წყლის რესურსების მართვისა და რისკების შემცირების სფეროში მწვანე ინფრასტრუქტურის რთული ამოცანების გადაჭრაზე. ასევე, გუნდი Baby Shark პროექტით- Ship chain, რომელიც  ღია ოკეანეში ინტერნეტთან წვდომის პრობლემის გადაჭრას ემსახურება. NASA Space Apps Challenge ჰაკათონის საუკეთესო პროექტებს Global Awards-ის დაჯილდოებაზე წარადგენენ. ... ...
  • ოზურგეთის "ლაშეს" სტადიონის შეტრიალების ინიციატივით დასრულებული ხანგრძლივი დავა ხმაური და ხანგრძლივი დავა მოჰყვა ოზურგეთის მუნიციპალიტეტის საკრებულოს სხდომათა დარბაზში ჩატარებულ თანამონაწილეობითი ბიუჯეტირების პროექტის ფარგლებში  გამარჯვებული პროექტის _  „ლაშეს სტადიონის კეთილმოწყობა“ _ ავტორებთან, მხარდამჭერებთან და დაინტერესებულ პირებთან ერთად განხილვას. მხარდამჭერი მოქალაქეები, მწვრთნელი აკაკი ათუაშვილი, არასამთავრობო და სამთავრობო სექტორის წარომადგენლები დიდხანს დაობდნენ ლაშეს  სტადიონის ტერიტორიის განაშენიანების პროექტზე, რომლისთვისაც 75 ათასი ლარია გათვალისწინებული. აზრთა სხვადასხვაობა თავიდან გამოიწვია შენობის და სხვა ნაგებობების  განთავსების თემამ. _ ჩვენ  ვინც ვართ  ფეხბურთის სპეციალისტები და როგორც ვიტყვით, ის აზრი გათვალისწინებული უნდა იქნეს. მაქვს კითხვა, არის თუ არა სტადიონი სტანდარტში ჩამჯდარი? იქ კეთდება სარბენი ბილიკები, კალათბურთის მოედანი, მაგრამ ჩვენ ფეხბურთის კუთხით ვუყურებთ პირველ რიგში, დღეს აქ ვერ  ვხედავ პიროვნებას, ვინც პროექტი დაწერა, _ თქვა  მწვრთნელმა აკაკი ათუაშვილმა, რაზეც უპასუხეს, რომ პროექტი შედგა ხალხის გამოკითხვის მხარდაჭერით. _ მოსახლეობის გამოკითხვას  მე ვუძღვებოდი, კარგად ვიცი, რა უნდათ _ დიდი ჯოხით  როდის შემორეკონ ძროხები სტადიონზე, _ თქვა გაბრაზებულმა მწვრთნელმა. შეღობვა, სანიაღვრე არხების მოწყობა, დამატებითი სივრცის გამოყოფა _  ეს და კიდევ მრავალი პრობლემური საკითხი წამოსწიეს განხილვის მონაწილეებმა, თუმცა, აკაკი ათუაშვილი დაჟინებით  ითხოვდა სტადიონის მიმდებარე სივრცის გადიდებას, რაც გასახდელების ბოლომდე,   საზღვრის ღობემდე მიწევას გულისხმობდა. _ ვარჯიში სხვა რამეა და თამაში _ სხვა! როცა ვარჯიშია, შეიძლება სტადიონის ერთ ნახევარზე ერთმა ჯგუფმა  ივარჯიშოს და მეორეზე _ მეორემ.  ჩვენ გვჭირდება სივრცე და ეს სივრცე გვაქვს და ამისდაკარგვა არ შეიძლება.  გასახდელები უნდა მივიწიოთ, რომ სივრცე გათავისუფლდეს, _ ასე ვინ  შეადგინა ეს პროექტი, მეარ მეასმის, _ არ ცხრებოდა ათუაშვილი.   _ გადაწყვეტილი არაფერია. ეს პროექტი  თქვენია, თქვენ მოიგეთ და როგორც გსურთ, ისე უნდა გაკეთდეს. გამოგიგზავნით  გენგეგმას, ერთხელ კიდევ დავსხდეთ, შეიტანეთ ცვლილებები, როგორც ჩათვლით საჭიროდ, _ უთხრა ათუაშვილს ოზურგეთის მუნიციპალიტეტის მერის მრჩეველმა ალეკო ბერიძემ, რომელიც განხილვაში აქტიურად მონაწილეობდა და გამუდმებით არწმუნებდა ლაშეს სტადიონის მოწყობის მხარდამჭერებს, რომ ყველაფრი ისე გაკეთდებოდა, როგორც მათ სურდათ. _მე თანახმა ვარ, თუ სტადიონი შეტრიალდება, სივრცე მეტი დარჩება. გარდა ამისა, ახლანდელ შემთხვევაში  დასავლეთ და აღმოსავლეთ  მიმართულებები არ არის გათვალისწინებული  და მეკარეს მზე პირდაპირ  თვალებში ანათებს, _ თქვა ბერიძემ. _აგაშენა  ღმერთმა, მეც ამის თქმა მინდოდა, მაგრამ ბოძების ხელახლა ამოთხრა და სხვა სამუშაოები დამატებით ხარჯებს მოითხოვს და ამიტომ ვერ ვთქვი, _ თქვა ათუაშვილმა. _სჯობს ათასი ლარით მეტი დაიხარჯოს და მოვიძიოთ ეს თანხა, ვიდრე 75 ათას ლარიანი პროექტი გახორციელდეს და უყაირათოდ გაიხარჯოს და ხელახლა გახდეს საკეთებელი, _ უთხრა მას ალეკო ბერიძემ. ხანგრძლივი დავისა და ხმამაღალი  უთანხმოების გამოხატვით გაწელილი  განხილვა მალევე დასრულდა შეთანხმებით, _ მიიღეს  სტადიონის შეტრიალების  გადაწყვეტილება.    დააზუსტეს,  რომ ასეთ შემთხვევაში  სივრცე მეტი დარჩებოდა და აქამდე მიუღწეველი შეთანხმებაც შედგა. „გურია ნიუსის“ კითხვაზე, სტადიონის შეტრიალებით როგორ  მოგვარდებოდა პრობლემა, უფრო ზუსტად რომ ეთქვათ, ალეკო ბერიძემ განაცხადა, რომ მთავარია ისიც,  თამაშის დროს მეკარეს მზე არ მიანათებს თვალებში. _ მზის მინათებისთვის არ დაობდა მწვრთნელი ათუაშვილი. სივრცე აინტრესებდა... _ სხვა რამეზე დაობდა. ის დაობდა, რომ გასახდელი, რომელიც ახლოს არ იყო სტადიონთან, გადატანილიყო ღობესთან და გასახდელს და სტადიონს შორის გამოთავისუფლდებოდა ადგილი. ახლა, სტადიონის შეტრიალებით,  ის სადავო საკითხი ამოვარდა და სივრცეც დარჩება. ამ ყველაფერს როცა ადგილზე ნახავთ, უფრო მიხვდებით. _ თავიდანვე ასე რომ გადაგეწყვიტათ? _ კამათში იბადება ჭეშმარიტება, _ რიტორიკა მოიშველია  ბერიძემ, რის განმტკიცებაშიც მას  საკრებულოს პარატის უფროსი  ნანა თავდუმაძეც შეეშველა: „სამოქალაქო ბიუჯეტირება კარგად ხორცილედება და კონსესუსის მიღწევა შესაძლებელია  მაშინ, როცა  არის უწყვეტი კომუნიკაცია, აზრთა შეჯერება, როგორც დღეს მოხდა აქ,“  _თქვა ... ...
  • სოფელ დარჩელში ბაბუამ შვილიშვილი დაჭრაზუგდიდის მუნიციპალიტეტის, სოფელ დარჩელში ბაბუამ შვილიშვილი დაჭრა. დაჭრილი 27 წლის ასაკის მამაკაცია. როგორც საქართველოს პირველი არხის ჟურნალისტი იუწყება, დაშავებული კლინიკაში ზუგდიდის რეფერალურ ჰოსპიტალში გადაიყვანეს. ექიმების თქმით, მას მარჯვენა მხარის მიდამოებში სავარაუდოდ, ბასრი საგნით აქვს ჭრილობა აქვს მიყენებული, რომელიც ქირურგიულად დამუშავდა. დაჭრილი პალატაში უკვე გადაიყვანეს და მის სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით, მომხდარზე აღძრულია სისხლის სამართლის საქმე და დაკავებულია 1937 წელს დაბადებული ... ...
  • სუს-ის უფროსის ახალი მოადგილე ლილუაშვილის ბიძაშვილია _ ოპოზიციის ბრალდებები და უმრავლესობის განმარტებადანიშნა თუ არა სუს-ის უფროსმა, გრიგოლ ლილუაშვილმა, საკუთარ მოადგილედ მისი ახლო ნათესავი _ დღეს ამ თემაზე პარლამენტში კომენტარები დილიდან კეთდება. ოპოზიცია ირწმუნება, რომ სუს-ის უფროსის ახალი მოადგილე, გიგა ნიკოლეიშვილი, გრიგოლ ლილუაშვილის ბიძაშვილია. პარლამენტის ფრაქცია "ნაციონალური მოძრაობის" თავმჯდომარე რომან გოცირიძე აცხადებს, რომ ლილუაშვილი ქვეყანაში არსებული ნეპოტისტური ცხოვრების წესის პრინციპით მოიქცა, რაც მას არ აკვირვებს.  "თუ ნდობაზეა საკითხი, ვის უნდა ენდოს თუ არა ახლობელს. რა თქმა უნდა, სანდო ადამიანია და სანდოობის პრინციპით და დღეს საქართველოში მოქმედი ნეპოტისტური ცხოვრების წესის პრინციპით მოიქცა, ისე, როგორც უნდა მოქცეულიყო. რა გიკვირთ? მე პირიქით გამიკვირდებოდა, რომ ღია კონკურსი გამოეცხადებინათ და მსოფლიოში საუკეთესო სპეციალისტი ჩამოეყვანა მოადგილედ," - განაცხადა რომან გოცირიძემ. მმართველ გუნდში აცხადებენ, რომ მსგავს ინფორმაციას არ ფლობენ და ფაქტს უარყოფენ. პარლამენტის საგარეო ურთიერთობათა კომიტეტის თავმჯდომარის მოადგილე ამბობს, რომ არანაირ მსგავს ინფორმაციას არ ფლობს. დიმიტრი ცქიტიშვილი აცხადებს, რომ გიგა ნიკოლეიშვილი საკმაოდ გამოცდილი კადრია და ის დიდი ხანია რაც არსებულ სისტემაში მუშაობს. "ბიძაშვილია ნამდვილად? სხვა არაფერი არ აქვს იმ ადამიანს? ანუ მე არ ვიცი ვინაა, მაგრამ მას სხვა დამსახურებები არა აქვს სამსახურში? არ ვიცი, მე ვერ გეტყვით რამდენად ბიძაშვილია თუ არა, მე რამდენადაც ვიცი ეს პიროვნება დიდი ხანია მუშაობს ამ სისტემაში და არის გამოცდილი. დანარჩენი დეტალები არ ვიცი. არ ვიცი ბიძაშვილია თუ არა და ვერ გეტყვით, თქვენ ამბობთ, რომ ბიძაშვილია და შეიძლება არც არის, შეიძლება ნათესავია, საქართველოში ბევრი ვიღაცა ერთმანეთის ნათესავია," - აცხადებს დიმიტრი ცქიტიშვილი. ... ...

არქივი

კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...
ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...