მონოგამიის დასასრული?

მკითხველი

მონოგამიის დასასრული?

1970 იან 1 04:00:00
პიროვნება არც დაუწერელი დაფაა და არც მხოლოდ გარემოცვის ნაყოფი _ მას გენეტიკური და საზოგადოებრივი ზემოქმედების ერთიანობა ქმნის. ძნელია იმის განსაზღვრა, რომელს მივანიჭოთ უპირატესობა. პირადი დაკვირვება მაძლევს საფუძველს, პიროვნების ჩამოყალიბებაში ოჯახის პრიორიტეტი დავინახო, თუმცა, გამონაკლისი ყოველთვის იყო და იქნება, მაგრამ უმეტეს შემთხვევაში, ოჯახში ჩამოყალიბებული ურთიერთობის გარკვეული წესი ბოლომდე ინარჩუნებს გამძლეობას და საზოგადოებრივ ზემოქმედებასაც ძნელად ემორჩილება. ჩემი პირველი და სიცოცხლის ბოლომდე ყველაზე რეიტინგული აღმზრდელები ჩემი მშობლები იყვნენ. მათგან ვისწავლე ავის და კარგის გარჩევა, შრომის სიყვარული და უახლოეს გარემოცვაზე ზრუნვა. და მაინც, ჩემი მშობლების სოციალური მდგომარეობის გამო, ადამიანებზე მათი ზემოქმედების სფერო მკაცრად შეზღუდული იყო. პიროვნების ზემოქმედება საზოგადოებრივ მოვლენებში, ამ საზოგადოებაში მისი ადგილით განისაზღვრება. მიმაჩნია, რომ ყველა რანგის სახელმწიფო მოხელე პროფესიულ მოვალეობასთან ერთად აღმზრდელის ფუნქციასაც ასრულებს და ამ მხრივ, მისი ზემოქმედების სფეროც საკმაოდ დიდია. სხვა საკითხია საზოგადოებისთვის მისაღები და დადებითი ტრადიციების მიმართ ერთგულება ჩანს თუ არა მათ მოქმედებაში. საზოგადოებრივი ინტერესების თვალსაზრისით, ჩვენთან უპირატესობა ფულს და ძალაუფლებას უჭირავს. რატომ? პასუხი მარტივია _ ფული წარმოშობს ძალაუფლებას და პირიქით. თითქმის არ არის ისეთი შემთხვევა, თვალსაჩინო რანგის მოხელე უფულო იყოს; გამოკითხულთაგან არავის უთქვამს, ძალაუფლება იმისთვის მინდა, სამართლიანობა დავამკვიდროო. სამართლიანობა კი ის იქნება, შენ რომ განცხრომით ცხოვრობ, მშრომელ კაცსაც შეუქმნა ნორმალური ცხოვრების პირობები.

ალბათ, არსად არ არის პოლიტიკური მოღვაწეობისადმი ისეთი გაზრდილი ინტერესი, როგორც ჩვენთან. ვითომ ბევრი და მაღალი რანგის პოლიტიკოსები გვყავს? პირიქით _ განვლილმა ოცწლეულმა დაამტკიცა, რომ ჩვენი პოლიტიკური კულტურა ძალზე დაბალია და იგი პირად ინტერესებს ნაკლებად სცილდება. სხვაგვარად რომ ვთქვათ, პატიოსან შრომას გვირჩევნია, პოლიტიკური ტვირთი ავიკიდოთ იმიტომ, რომ იგი უკეთეს ცხოვრებას გვპირდება ენერგიის ნაკლები დანახარჯებისა და არც ისე ნაკლები პასუხისმგებლობის პირობებში. სწორედ იქ გველოდება მაძღარი ცხოვრება კონცერტებით, ბანკეტებით, დიდ წარმატებებზე ტრაბახით და საქართველოს გულის ამაჩუყებელი სადღეგრძელოებით.

მშრომელი კაცისთვის არაფერია იმაზე უფრო დამამცირებელი, როდესაც პარაზიტები ფლობენ ყოველგვარ სიკეთეს და მორალს უკითხავენ ალალ-მართალ ხალხს. შრომისა და მშრომელის მიმართ შეურაცხყოფის გამო საზოგადოების მნიშვნელოვანმა ნაწილმა ზურგი აქცია წარმოებას და მომხმარებელი გახდა.

დღეს ბევრს ლაპარაკობენ, კორუფცია დავამარცხეთო. ვერ დაგეთანხმებით, ბატონებო! როდესაც სახელისუფლებო პარტია ფინანსური უპირატესობით სარგებლობს და ამომრჩეველს ბიულეტენით ვაჭრობის პირობებს სთავაზობს, კორუფცია დამარცხებული არ არის. როდესაც ფასებს მხოლოდ ხელისუფლება აკონტროლებს, თავისუფალი მეწარმეობა და კონკურენცია კი იდევნება, ვერ დავიჯერებ, რომ ამ ხელისუფლებამ კორუფციის დამარცხება შეძლოს.

ამბობენ, დღევანდელი ხელისუფლება საბჭოურს ჰგავსო. მეც ასე ვფიქრობ. ციფრებით მანიპულირება, წარმატებების მასშტაბური რეკლამირება, საზეიმო განწყობილება და აპლოდისმენტები კომუნისტებსაც კარგად ეხერხებოდათ და ნაციონალებსაც არანაკლებ ეხერხებათ. ვინმემ არ იფიქროს, პრივილეგიებს უარვყოფდე ან საზეიმო განწყობილება არ მომწონდეს, აუტანელი მხოლოდ ის არის, უზნეო ხალხს რომ ანგელოზებად ნათლავენ და სულ ამაღლებული განწყობილებაა ქვეყანაში, რომელსაც საქმე არ აქვს საკონცერტოდ და საკარნავალოდ.

პრივილეგიებისკენ ლტოლვასა და რეკლამირებაშიც მეტი ზომიერება გვმართებს. სტახანოვური წესით არ დაიძლევა ის სიმახინჯე, რომელიც ათეული წლების განმავლობაში ყალიბდებოდა და მთელ საზოგადოებრივ ორგანიზმს მოედო, როგორც ავთვისებიანი სიმსივნის მეტასტაზები. განათლების სისტემაში ჩემი მუშაობის დროს, წარჩინებული მოსწავლეების მედლებით დაჯილდოება და ხუთქულიანი ატესტატები უსირცხვილო ვაჭრობის საგნად გადაიქცა. მაშინ ისეთმა ახალგაზრდებმა მიიღეს მედლები, საშუალოზე მაღალი ცოდნა რომ აქ ჰქონდათ. ამ სტრიქონების ავტორს შეეძლო, უზრუნველეყო საკუთარი შვილების მედლებით დაჯილდოება ისე, რომ კაპიკიც არ გადაეხადა, მაგრამ მან ამჯობინა, ღია წესით ჩაბმულიყო საკონკურსო გამოცდებში და ოპონენტებისთვის დაეჭვების საბაბი არ მიეცა. იქნებ შევცდი, იქნებ შვილების გაუმხელელი საყვედური დავიმსახურე? როდესაც პრივილეგიებს ყიდულობენ, შენ კი უყიდლად უარს ამბობ მასზე, გაუმართლებელია, არა? ჩვენ ასე არ ვფიქრობდით და გავიმარჯვეთ უძნელეს ბრძოლაში მაშინ, როდესაც კორუფცია ცხოვრების წესად იყო გადაქცეული. ეს იყო შრომის, სამართლიანობისა და ცოდნის დღესასწაული _ ნებისმიერ მედალზე უფრო მაღალი ჯილდო. საზოგადოებაში თითქმის გაბატონებულ წესს რომ არ დავმორჩილებოდით და არ შეგვექმნა ოჯახური კლიმატი, სადაც მარადიული ღირებულებები გაიხარებდა, ჩვენც სიყალბის ტყვეობაში აღმოვჩნდებოდით.

დღეს კრიზისია ქვეყანაში და კრიზისია ოჯახშიც. ალბათ, მკითხველებსაც ექნებათ ინფორმაცია იმაზე, რომ ტელეგადაცემებიდან ერთ-ერთი ყველაზე რეიტინგული სამხრეთ ამერიკული სერიალები ყოფილა. ეს ის სერიალებია, სადაც ვერ გაურკვევიათ, ვინ ვისი ცოლი, ვისი ქმარი და ვისი შვილია. სადაც პოლიგამია ლამის ცხოველურ დონემდე არის დაყვანილი. ბოლო დროს შექმნილი ქართული სერიალებიც "გამორჩეულია" ამ მხრივ. ჩვენ, ქართველები, ნიჭიერებიც ვართ და უცხოელების უხეირო მიმბაძველებიც. ნიჭიერება ორიგინალურია, შენია. მიმბაძველობა კი არ არის შენი. ჩვენია "დათა თუთაშხია" და "მონანიება". "მგლების ხორუმი" კი არ არის ჩვენი. რომელიმე ნორმალურ ქართველს მოუვა აზრად, შეაჩვენოს ხელოვნების ტიტანები იმის გამო, რომ ისინი კომუნისტურ ეპოქაში მოღვაწეობდნენ? ვის სჭირდება ასე საჯაროდ და ურცხვად გაშიშვლებული სექსი? როგორც ეტყობა, ხელისუფლებას მორალური ხასიათის მოსაზრებები და ოჯახის სიწმინდე რომ არ აწუხებს, მაგრამ პრობლემას მატერიალური მხარეც აქვს: გაიზარდა უპატრონო ბავშვების რაოდენობა, რომლებსაც მარჩენალი არ ჰყავთ. ახლა ფიქრობენ იმაზე, რომ დნმ-ის ანალიზის საფუძველზე დაადგინონ მშობლების ვინაობა და ტვირთი შეუმსუბუქონ ბიუჯეტს. ხომ არ დაგვავიწყდა დედაშვილური და მამაშვილური სიყვარული ნორმალური მოქალაქის ჩამოყალიბებისთვის გადამწყვეტი რომ არის? ფიზიკურ იზოლაციას და სულიერ დაცემას ვუმზადებთ ჩვენს მომავალ თაობას ჩვენი "სააღმზრდელო" პოლიტიკით. იქნებ, ვინმეს უნდა, გაიზარდოს თანამედროვე მამელუქები, რომლებიც ყველაზე დანაშაულებრივ ბრძანებასაც კი უყოყმანოდ შეასრულებენ. აკი წამოსცდა ერთ-ერთ ნიღბოსანს ნოემბრის ცნობილი მოვლენების დროს, თუ გვიბრძანებენ აქედან ცოცხალს არავის გავუშვებთო. გულიანი კაცი ამას არ იტყვის და არც უიარაღოზე აღმართავს სისხლიან ხელს. ჩვენ ვამაყობდით მამაკაცების რაინდული სულისკვეთებით და ქალების კდემამოსილებით. ახლა კი იმისთვის ვამზადებთ ნიადაგს, რომ ლაჩრობითა და პროსტიტუციით მოვიწონოთ თავი, ეს კი ერის გადაშენების და სიკვდილის ტოლფასია. ეროვნული კრიზისი საწყის სტადიაზეა და იგი მანამდე უნდა შევაჩეროთ, სანამ შეუქცევადი არ გამხდარა.




 ახალი ამბები
  • სემეკში თავმჯდომარის არჩევნები ჩატარდასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) კომისიის თავმჯდომარის არჩევნები  გაიმართა. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ახალი რეგულაციით,   კომისიის თავმჯდომარე ირჩევა 3 წლის ვადით, მაგრამ არაუმეტეს კომისიის წევრის უფლებამოსილების დარჩენილი ვადისა. კომისიაში განისაზღვრა თავმჯდომარის არჩევის წესი და პროცედურა. წესის შესაბამისად, არჩევნებში გამარჯვებულად ცხადდება ის კანდიდატი, რომელიც მიიღებს არჩევნებში მონაწილე წევრების ხმათა უმრავლესობას. ახალი პროცედურების მიხედვით, კენჭისყრის შედეგების დამტკიცება მოხდება საჯარო სხდომაზე. თავმჯდომარის უფლებამოსილების ვადის ათვლა დაიწყება საჯარო სხდომაზე კენჭისყრის შედეგების დამტკიცების მომენტიდან. საჯარო სხდომა ხვალ, 22 ოქტომბერს 11:00 საათზე გაიმართება.  (R) ... ...
  • საქართველოს ბანკის მხარდაჭერით NASA Space Apps Challenge-ს საქართველომ პირველად უმასპინძლა (R)საქართველოს ბანკის მხარდაჭერით, ილიას სახელმწიფო უნივერსიტეტის აბასთუმნის ასტროფიზიკურმა ობსერვატორიამ NASA Space Apps Challenge Abastumani-ს უმასპინძლა. 18-20 ოქტომბერს გამართული ჰაკათონის მთავარი მიზანი იყო ისეთ ინოვაციურ თემებზე მუშაობა, რომლებიც მიმართულია კაცობრიობისთვის მნიშვნელოვანი პრობლემატიკის მოგვარებისკენ. მაგალითად, როგორიცაა გლობალური დათბობა და მისი მავნე შედეგები, ოკეანის გასუფთავება მავნე ნივთიერებებისა და ნაგვისგან, მთვარის მტვრის იდენტიფიცირება და მისი ნეგატიური გავლენის შემცირების მექანიზმები და ა.შ.  ჰაკათონის ფარგლებში, ისევე, როგორც სხვა ქვეყნებში გამართული Space Apps Challenge-ის მონაწილეებს, საქართველოშიც ჰქონდათ ხუთი სამუშაო თემა: ოკეანეები, მთვარე, მზის სისტემის პლანეტები და ეგზოპლანეტები, გზა დედამიწიდან ვარსკვლავებისკენ, ცხოვრება ჩვენს სამყაროში. თემის არჩევის შემდეგ, მონაწილეებმა 48 საათის განმავლობაში იმუშავეს ისეთ პროექტებზე, როგორებიცაა: ღია ოკეანეში ინტერნეტთან წვდომის პრობლემის გადაჭრა, ვიდეოთამაშის მოფიქრება კოსმოსური ნარჩენების შესაგროვებლად; ციფრული გლობუსის ვებაპლიკაციის შექმნა, რომელიც დედამიწის სამეცნიერო მონაცემების ვიზუალიზაციას NASA-ს Web WorldWind-ის გამოყენებით შეძლებს და სხვა.  „საქართველოს ბანკისთვის მნიშვნელოვანია ინოვაციური პროექტების განხორციელების მხარდაჭერა. განსაკუთრებით ისეთი ფორმატისა, რომელშიც გამორჩეულ და საინტერესო იდეების მქონე ადამიანებს აქვთ შესაძლებლობა,  ფართო საზოგადოებას გააცნონ საკუთარი მიგნებები და ამავე დროს, გააცნონ საქართველო მსოფლიოს. საქართველოს ბანკისთვის მნიშვნელოვანია მსგავსი ღონისძიებების მხარდაჭერით ინოვაციების ხელშეწყობა“, - აცხადებენ საქართველოს ბანკში.  ინფორმაციისთვის, NASA Space Apps მსოფლიოში ყველაზე ფართომასშტაბიანი ჰაკათონია, რომელიც ერთდროულად იმართება 200 სხვადასხვა ადგილას და 48 საათი მიმდინარეობს. ის ინოვაციათა ინკუბატორის პროგრამაა. ჰაკათონში მონაწილეობა შეუძლია ყველას, ვისაც შეუსრულდა 18 წელი და დაინტერესებულია დედამიწისა და კოსმოსის კვლევებით, კოდირებით, ტექნოლოგიებით, დიზაინითა და სხვა გამოყენებითი მეცნიერებებით. პირველ და მეორე ადგილზე გასულ პროექტებს ფულადი ჯილდოები გადაეცათ. გამარჯვებულია გუნდი Algien პროექტით -  Nature at work, რომელიც ორიენტირებულია  წყლის რესურსების მართვისა და რისკების შემცირების სფეროში მწვანე ინფრასტრუქტურის რთული ამოცანების გადაჭრაზე. ასევე, გუნდი Baby Shark პროექტით- Ship chain, რომელიც  ღია ოკეანეში ინტერნეტთან წვდომის პრობლემის გადაჭრას ემსახურება. NASA Space Apps Challenge ჰაკათონის საუკეთესო პროექტებს Global Awards-ის დაჯილდოებაზე წარადგენენ. ... ...
  • ოზურგეთის "ლაშეს" სტადიონის შეტრიალების ინიციატივით დასრულებული ხანგრძლივი დავა ხმაური და ხანგრძლივი დავა მოჰყვა ოზურგეთის მუნიციპალიტეტის საკრებულოს სხდომათა დარბაზში ჩატარებულ თანამონაწილეობითი ბიუჯეტირების პროექტის ფარგლებში  გამარჯვებული პროექტის _  „ლაშეს სტადიონის კეთილმოწყობა“ _ ავტორებთან, მხარდამჭერებთან და დაინტერესებულ პირებთან ერთად განხილვას. მხარდამჭერი მოქალაქეები, მწვრთნელი აკაკი ათუაშვილი, არასამთავრობო და სამთავრობო სექტორის წარომადგენლები დიდხანს დაობდნენ ლაშეს  სტადიონის ტერიტორიის განაშენიანების პროექტზე, რომლისთვისაც 75 ათასი ლარია გათვალისწინებული. აზრთა სხვადასხვაობა თავიდან გამოიწვია შენობის და სხვა ნაგებობების  განთავსების თემამ. _ ჩვენ  ვინც ვართ  ფეხბურთის სპეციალისტები და როგორც ვიტყვით, ის აზრი გათვალისწინებული უნდა იქნეს. მაქვს კითხვა, არის თუ არა სტადიონი სტანდარტში ჩამჯდარი? იქ კეთდება სარბენი ბილიკები, კალათბურთის მოედანი, მაგრამ ჩვენ ფეხბურთის კუთხით ვუყურებთ პირველ რიგში, დღეს აქ ვერ  ვხედავ პიროვნებას, ვინც პროექტი დაწერა, _ თქვა  მწვრთნელმა აკაკი ათუაშვილმა, რაზეც უპასუხეს, რომ პროექტი შედგა ხალხის გამოკითხვის მხარდაჭერით. _ მოსახლეობის გამოკითხვას  მე ვუძღვებოდი, კარგად ვიცი, რა უნდათ _ დიდი ჯოხით  როდის შემორეკონ ძროხები სტადიონზე, _ თქვა გაბრაზებულმა მწვრთნელმა. შეღობვა, სანიაღვრე არხების მოწყობა, დამატებითი სივრცის გამოყოფა _  ეს და კიდევ მრავალი პრობლემური საკითხი წამოსწიეს განხილვის მონაწილეებმა, თუმცა, აკაკი ათუაშვილი დაჟინებით  ითხოვდა სტადიონის მიმდებარე სივრცის გადიდებას, რაც გასახდელების ბოლომდე,   საზღვრის ღობემდე მიწევას გულისხმობდა. _ ვარჯიში სხვა რამეა და თამაში _ სხვა! როცა ვარჯიშია, შეიძლება სტადიონის ერთ ნახევარზე ერთმა ჯგუფმა  ივარჯიშოს და მეორეზე _ მეორემ.  ჩვენ გვჭირდება სივრცე და ეს სივრცე გვაქვს და ამისდაკარგვა არ შეიძლება.  გასახდელები უნდა მივიწიოთ, რომ სივრცე გათავისუფლდეს, _ ასე ვინ  შეადგინა ეს პროექტი, მეარ მეასმის, _ არ ცხრებოდა ათუაშვილი.   _ გადაწყვეტილი არაფერია. ეს პროექტი  თქვენია, თქვენ მოიგეთ და როგორც გსურთ, ისე უნდა გაკეთდეს. გამოგიგზავნით  გენგეგმას, ერთხელ კიდევ დავსხდეთ, შეიტანეთ ცვლილებები, როგორც ჩათვლით საჭიროდ, _ უთხრა ათუაშვილს ოზურგეთის მუნიციპალიტეტის მერის მრჩეველმა ალეკო ბერიძემ, რომელიც განხილვაში აქტიურად მონაწილეობდა და გამუდმებით არწმუნებდა ლაშეს სტადიონის მოწყობის მხარდამჭერებს, რომ ყველაფრი ისე გაკეთდებოდა, როგორც მათ სურდათ. _მე თანახმა ვარ, თუ სტადიონი შეტრიალდება, სივრცე მეტი დარჩება. გარდა ამისა, ახლანდელ შემთხვევაში  დასავლეთ და აღმოსავლეთ  მიმართულებები არ არის გათვალისწინებული  და მეკარეს მზე პირდაპირ  თვალებში ანათებს, _ თქვა ბერიძემ. _აგაშენა  ღმერთმა, მეც ამის თქმა მინდოდა, მაგრამ ბოძების ხელახლა ამოთხრა და სხვა სამუშაოები დამატებით ხარჯებს მოითხოვს და ამიტომ ვერ ვთქვი, _ თქვა ათუაშვილმა. _სჯობს ათასი ლარით მეტი დაიხარჯოს და მოვიძიოთ ეს თანხა, ვიდრე 75 ათას ლარიანი პროექტი გახორციელდეს და უყაირათოდ გაიხარჯოს და ხელახლა გახდეს საკეთებელი, _ უთხრა მას ალეკო ბერიძემ. ხანგრძლივი დავისა და ხმამაღალი  უთანხმოების გამოხატვით გაწელილი  განხილვა მალევე დასრულდა შეთანხმებით, _ მიიღეს  სტადიონის შეტრიალების  გადაწყვეტილება.    დააზუსტეს,  რომ ასეთ შემთხვევაში  სივრცე მეტი დარჩებოდა და აქამდე მიუღწეველი შეთანხმებაც შედგა. „გურია ნიუსის“ კითხვაზე, სტადიონის შეტრიალებით როგორ  მოგვარდებოდა პრობლემა, უფრო ზუსტად რომ ეთქვათ, ალეკო ბერიძემ განაცხადა, რომ მთავარია ისიც,  თამაშის დროს მეკარეს მზე არ მიანათებს თვალებში. _ მზის მინათებისთვის არ დაობდა მწვრთნელი ათუაშვილი. სივრცე აინტრესებდა... _ სხვა რამეზე დაობდა. ის დაობდა, რომ გასახდელი, რომელიც ახლოს არ იყო სტადიონთან, გადატანილიყო ღობესთან და გასახდელს და სტადიონს შორის გამოთავისუფლდებოდა ადგილი. ახლა, სტადიონის შეტრიალებით,  ის სადავო საკითხი ამოვარდა და სივრცეც დარჩება. ამ ყველაფერს როცა ადგილზე ნახავთ, უფრო მიხვდებით. _ თავიდანვე ასე რომ გადაგეწყვიტათ? _ კამათში იბადება ჭეშმარიტება, _ რიტორიკა მოიშველია  ბერიძემ, რის განმტკიცებაშიც მას  საკრებულოს პარატის უფროსი  ნანა თავდუმაძეც შეეშველა: „სამოქალაქო ბიუჯეტირება კარგად ხორცილედება და კონსესუსის მიღწევა შესაძლებელია  მაშინ, როცა  არის უწყვეტი კომუნიკაცია, აზრთა შეჯერება, როგორც დღეს მოხდა აქ,“  _თქვა ... ...
  • სოფელ დარჩელში ბაბუამ შვილიშვილი დაჭრაზუგდიდის მუნიციპალიტეტის, სოფელ დარჩელში ბაბუამ შვილიშვილი დაჭრა. დაჭრილი 27 წლის ასაკის მამაკაცია. როგორც საქართველოს პირველი არხის ჟურნალისტი იუწყება, დაშავებული კლინიკაში ზუგდიდის რეფერალურ ჰოსპიტალში გადაიყვანეს. ექიმების თქმით, მას მარჯვენა მხარის მიდამოებში სავარაუდოდ, ბასრი საგნით აქვს ჭრილობა აქვს მიყენებული, რომელიც ქირურგიულად დამუშავდა. დაჭრილი პალატაში უკვე გადაიყვანეს და მის სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით, მომხდარზე აღძრულია სისხლის სამართლის საქმე და დაკავებულია 1937 წელს დაბადებული ... ...
  • სუს-ის უფროსის ახალი მოადგილე ლილუაშვილის ბიძაშვილია _ ოპოზიციის ბრალდებები და უმრავლესობის განმარტებადანიშნა თუ არა სუს-ის უფროსმა, გრიგოლ ლილუაშვილმა, საკუთარ მოადგილედ მისი ახლო ნათესავი _ დღეს ამ თემაზე პარლამენტში კომენტარები დილიდან კეთდება. ოპოზიცია ირწმუნება, რომ სუს-ის უფროსის ახალი მოადგილე, გიგა ნიკოლეიშვილი, გრიგოლ ლილუაშვილის ბიძაშვილია. პარლამენტის ფრაქცია "ნაციონალური მოძრაობის" თავმჯდომარე რომან გოცირიძე აცხადებს, რომ ლილუაშვილი ქვეყანაში არსებული ნეპოტისტური ცხოვრების წესის პრინციპით მოიქცა, რაც მას არ აკვირვებს.  "თუ ნდობაზეა საკითხი, ვის უნდა ენდოს თუ არა ახლობელს. რა თქმა უნდა, სანდო ადამიანია და სანდოობის პრინციპით და დღეს საქართველოში მოქმედი ნეპოტისტური ცხოვრების წესის პრინციპით მოიქცა, ისე, როგორც უნდა მოქცეულიყო. რა გიკვირთ? მე პირიქით გამიკვირდებოდა, რომ ღია კონკურსი გამოეცხადებინათ და მსოფლიოში საუკეთესო სპეციალისტი ჩამოეყვანა მოადგილედ," - განაცხადა რომან გოცირიძემ. მმართველ გუნდში აცხადებენ, რომ მსგავს ინფორმაციას არ ფლობენ და ფაქტს უარყოფენ. პარლამენტის საგარეო ურთიერთობათა კომიტეტის თავმჯდომარის მოადგილე ამბობს, რომ არანაირ მსგავს ინფორმაციას არ ფლობს. დიმიტრი ცქიტიშვილი აცხადებს, რომ გიგა ნიკოლეიშვილი საკმაოდ გამოცდილი კადრია და ის დიდი ხანია რაც არსებულ სისტემაში მუშაობს. "ბიძაშვილია ნამდვილად? სხვა არაფერი არ აქვს იმ ადამიანს? ანუ მე არ ვიცი ვინაა, მაგრამ მას სხვა დამსახურებები არა აქვს სამსახურში? არ ვიცი, მე ვერ გეტყვით რამდენად ბიძაშვილია თუ არა, მე რამდენადაც ვიცი ეს პიროვნება დიდი ხანია მუშაობს ამ სისტემაში და არის გამოცდილი. დანარჩენი დეტალები არ ვიცი. არ ვიცი ბიძაშვილია თუ არა და ვერ გეტყვით, თქვენ ამბობთ, რომ ბიძაშვილია და შეიძლება არც არის, შეიძლება ნათესავია, საქართველოში ბევრი ვიღაცა ერთმანეთის ნათესავია," - აცხადებს დიმიტრი ცქიტიშვილი. ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...