„ეს პოლიტიკური დევნაა“ _ ივანიშვილთან შეხვედრის შემდეგ დაწყებული შურისძიება

მთავარი თემა

„ეს პოლიტიკური დევნაა“ _ ივანიშვილთან შეხვედრის შემდეგ დაწყებული შურისძიება

2019 ოქტ 10 13:07:42

26 სექტემბერს, პოლიტიკური გაერთიანება „ქართული ოცნება_ დემოკრატიული საქართველოს“ თავმჯდომარე ბიძინა ივანიშვილი, სასტუმრო "პარაგრაფში" მმართველი პარტიის გურიის ორგანიზაციების წევრებს შეხვდა.

როგორც გავარკვიეთ, დახურულ შეხვედრაზე, ერთ-ერთი მთავარი თემა ოზურგეთის მერის საქმიანობა და მის მიერ "ნაციონალური მოძრაობის" წევრების დასაქმება იყო. მმართველი გუნდის წევრებმა პარტიის თავმჯდომარეს უთხრეს, რომ ოზურგეთის მერის მხრიდან ხელისუფლების მხარდამჭერების დევნას ჰქონდა ადგილი; უთხრეს ისიც, რომ თანამდებობებზე „ნაციონალური მოძრაობის აქტიური“ მხარდამჭერები ინიშნებიან.

ერთ-ერთი ადამიანი, რომელმაც ეს ყველაფერი ხმამაღლა თქვა, ზონის კოორდინატორი და ოზურგეთის მერიის საფინანსო სამსახურის თანამშრომელი თეა კვირკველია იყო. ჩვენი წყაროს თქმით, სწორედ მასსა და გუბერნატორს შორის მოხდა შეკამათება, მას შემდეგ, რაც მხარის პირველმა პირმა აღნიშნა, რომ „შარაშენიძე "ნაციონალური მოძრაობის" გაძლიერებით არაა დაკავებული და რომ კვირკველია ივანიშვილს არასწორ ინფორმაციას აწვდიდა.

შეხვედრაზე კვირკველიას პოზიცია ბევრმა დაიცვა და გურიის გუბერნატორს დარბაზშივე უთხრეს, რომ თავად ავრცელებდა არასწორ ინფორმაციას.

ამ შეხვედრის მეორე დღეს, გურიის გუბერნატორმა, ჩვენთან საუბრისას ეს ყველაფერი უარყო და გვითხრა, რომ „რასაც ლაპარაკობენ, არასწორია“, თუმცა, აღნიშნული ფაქტის ნამდვილობა არა ერთმა წყარომ დაგვიდასტურა.

ამ თემაზე საუბარი თეა კვირკველიამ მაშინ არ ისურვა და გვითხრა, რომ დახურული შეხვედრის დეტალების განხილვას არ აპირებდა. იგივეს ამბობს დღესაც და მხოლოდ იმას გვიდასტურებს, რომ ივანიშვილთან შეხვედრაზე თქვა ის, რაც რეალობაა.

თუმცა, „გურია ნიუსმა“ ექსკლუზიურად გაარკვია, რომ კვირკველიას საკუთარი პოზიციის დაფიქსირება და რეალობის თქმა საკმაოდ ძვირი დაუჯდა _ ჩვენ ხელთ ჩაგვივარდა წერილი, რომელიც ადასტურებს, რომ აღნიშნული შეხვედრიდან და გუბერნატორთან შეკამათებიდან ზუსტად 4 დღეში მასზე პოლიტიკური შურისძიება დაიწყო და ოზურგეთის მერი კვირკველიას მიერ 2015 წელს გახორციელებულ საქმიანობაში დანაშაულის ნიშნებს ეძებს.

საუბარია გაუქმებული ქალაქ ოზურგეთის მუნიციპალიტეტის საბუღალტრო დოკუმენტაციაზე და თითქოსდა ახლა აღმოჩენილ ხარვეზიან გადარიცხვაზე, რის გამოც ახლა გადარიცხვები ვერ ხორციელდება:

„თქვენი სიტყვიერი მოთხოვნის საფუძველზე მოგახსენებთ, რომ 2019 წლის 25-26 სექტემბრიდან სახაზინო სამსახურში ვერ ხორციელდება #62 ვალდებულებების (განაცხადის) რედაქტირება/დაზუსტება, რომელიც მოიცავს/გულისხმობს სოციალური ღონისძიებების ყველა პროგრამიდან მერის ბრძანებების საფუძველზე მოქალაქეებისთვის გამოყოფილი სხვადასხვა სოციალური დახმარებების ჩარიცხვას მხოლოდ მათ პირად საბანკო ანგარიშებზე, ასევე, მუნიციპალიტეტის თანამშრომელთა სამივლინებო ხარჯების ანაზღაურებას.

აღნიშნული შეფერხება გამოწვეული იმით, რომ ქალაქ ოზურგეთის მერიას დასაზუსტებელი ჰქონდა 2015 წლის 5 აგვისტოს #00003 საგადასახადო მოთხოვნა, ვინაიდან ვერ ხერხდება ქალაქის მერიის მიერ 05 03 სახაზინო კოდიდან ინდმეწარმე „მელის ნადირიძეს“ პირად ანგარიშზე ქორეოგრაფიული ანსამბლ „ზენაარისთვის“ წინასწარი გადახდით ჩარიცხული 1500 ლარის ჩამოწერა“, _ აღნიშნულია მოხსენებით ბარათში, რომელსაც ოზურგეთის მერიის სახაზინო მომსახურებისა და ბუღალტრული აღრიცხვის განყოფილების უფროსი ნინო დარჩია საფინანსო საბიუჯეტო სამსახურის უფროსს გია მამაკაიშვილს წერს.

ამ წერილიდან ორ დღეში _ 3 ოქტომბერს, ოზურგეთის მერმა ბრძანება გამოსცა და მერიის შიდა აუდიტის სამსახურს დაავალა, უზრუნველყოს საფინანსო საბიუჯეტო სამსახურში წინა წლებში აღებული ვალდებულებების ჩამოწერისას გამოვლენილი „შემდგომში შესაძლო გამოვლინების, შეუსაბამობების შესწავლა და შესაბამისი რეკომენდაციის გაცემა“.

ეს ყველაფერი კი, უფრო მარტივად რომ ვთქვათ, ნიშნავს იმას, რომ შარაშენიძეს სურს, წინამორბედების საქმიანობებში დარღვევები აღმოაჩინოს და პარალელურად, მისთვის არასასურველი კადრები მოიშოროს.

_ ეს ყველაფერი ივანიშვილთან შეხვედრას და მერის საქმიანობაზე ხმამაღლა საუბარს რომ არ დამთხვეოდა, შეგვეძლო, გვეფიქრა, რომ შარაშენიძეს მხოლოდ და მხოლოდ მუნიციპალიტეტი ადარდებს და ამისთვის დაიწყო წინა წლებში გახორციელებული საქმეების შესწავლა. თუმცა, დღეს სხვა რეალობაა, რაც პირდაპირ მიანიშნებს პოლიტიკურ დევნაზე, _ აღნიშნავენ ოზურგეთის მერიის ის თანამშრომლები, რომლებიც მუნიციპალიტეტში შარაშენიძის მერობამდე მუშაობდნენ.

ისინი ყურადღებას ამახვილებენ იმ ფაქტზე, რომ გასული წლების საქმიანობა სახელმწიფო აუდიტის სამსახურმაც შეისწავლა და არც თემთა და არც ქალაქის მუნიციპალიტეტში, საბუღალტრო დოკუმენტაციის ნაწილში დარღვევა არ აღმოჩენილა.

ხაზგასასმელია კიდევ ერთი დეტალი _ საფინანსო სამსახურის თანამშრომლის, ნინო დარჩიას წერილში წერია, რომ 2015 წელს გახორციელებული ფინანსური ოპერაციის გამო, ხაზინამ 2019 წლის გადარიცხვები შეაჩერა, რასაც ალოგიკურად აფასებენ ფინასისტები:

_ თუ მართლაც არსებობდა რაიმე ხარვეზი 2015 წელს, ხაზინა დაბლოკავდა გადარიცხვებს 2015 წელს და არა 2019 წელს. ასეთი რამ არ ხდება _ 4 წლის წინანდელი გადარიცხვის გამო შეაჩერონ გადარიცხვა ახლა. ამავე დროს, შეცდომაც რომ ყოფილიყო, ხაზინა დაბლოკავდა კონკრეტულად იმ მუხლს, რომლიდანაც გადარიცხვა მოხდა და არა სხვა მუხლებს, როგორც ეს მოხსენებით ბარათშია ასახული, _ ამბობენ ფინანსისტები.

თავად თეა კვირკველია ამ თემაზე კომენტარს არ აკეთებს და ამბობს, რომ განმარტებებს აუდიტის დასკვნის შემდეგ გააკეთებს.

კომენტარს არ აკეთებენ არც აუდიტის სამსახურში. როგორც ყოველთვის, ჩვენს სატელეფონო ზარებს ამჯერადაც არ უპასუხა ოზურგეთის მერმა კონსტანტინე შარაშენიძემ.

გურიის გუბერნატორი ზურაბ ნასარაია „გურია ნიუსთან“ საუბრისას“ ამბობს, რომ მასსა და თეა კვირკველიას შორის „პარაგრაფში“ შელაპარაკება არ მომხდარა:

_ არასწორია ინფორმაციაა. არაფერი მომხდარა, _ ამბობს ნასარაია

_ ბატონო ზურაბ, ამას ბევრი ადამიანი გვიდასტურებს. და ასევე, იმ შეხვედრიდან 3 დღეში კვირკველიას წინააღმდეგ ოზურგეთის მერმა დევნაც დაიწყო...

_ არაფერი ვიცი მაგის შესახებ. თეას რამე პრეტენზია რომ ჰქონოდა, მოვიდოდა ჩემთან და მეტყოდა, _ გვითხრა მხარის პირველმა პირმა, რომელსაც ცოტა ხნის წინ პრემიერმა პირადადა დაავალა, რომ მუნიციპალიტეტებში არსებული რეალობა კარგად იცოდეს, თუმცა, აღნიშნული ფაქტი მის ცოდნასაც და დამოკიდებულებასაც კარგად ავლენს.

ამავე თემაზე: რა მოხდა გუშინ სასტუმრო "პარაგრაფში" და რაზე არ სურს საუბარი გურიის გუბერნატორს

"ყველაფერი სასწრაფოდ უნდა გამოსწორდეს" _ რაზე ესაუბრნენ "ოცნების" წევრები ბიძინა ივანიშვილს და რა დაპირება მიიღეს




 ახალი ამბები
  • სემეკში თავმჯდომარის არჩევნები ჩატარდასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) კომისიის თავმჯდომარის არჩევნები  გაიმართა. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ახალი რეგულაციით,   კომისიის თავმჯდომარე ირჩევა 3 წლის ვადით, მაგრამ არაუმეტეს კომისიის წევრის უფლებამოსილების დარჩენილი ვადისა. კომისიაში განისაზღვრა თავმჯდომარის არჩევის წესი და პროცედურა. წესის შესაბამისად, არჩევნებში გამარჯვებულად ცხადდება ის კანდიდატი, რომელიც მიიღებს არჩევნებში მონაწილე წევრების ხმათა უმრავლესობას. ახალი პროცედურების მიხედვით, კენჭისყრის შედეგების დამტკიცება მოხდება საჯარო სხდომაზე. თავმჯდომარის უფლებამოსილების ვადის ათვლა დაიწყება საჯარო სხდომაზე კენჭისყრის შედეგების დამტკიცების მომენტიდან. საჯარო სხდომა ხვალ, 22 ოქტომბერს 11:00 საათზე გაიმართება.  (R) ... ...
  • საქართველოს ბანკის მხარდაჭერით NASA Space Apps Challenge-ს საქართველომ პირველად უმასპინძლა (R)საქართველოს ბანკის მხარდაჭერით, ილიას სახელმწიფო უნივერსიტეტის აბასთუმნის ასტროფიზიკურმა ობსერვატორიამ NASA Space Apps Challenge Abastumani-ს უმასპინძლა. 18-20 ოქტომბერს გამართული ჰაკათონის მთავარი მიზანი იყო ისეთ ინოვაციურ თემებზე მუშაობა, რომლებიც მიმართულია კაცობრიობისთვის მნიშვნელოვანი პრობლემატიკის მოგვარებისკენ. მაგალითად, როგორიცაა გლობალური დათბობა და მისი მავნე შედეგები, ოკეანის გასუფთავება მავნე ნივთიერებებისა და ნაგვისგან, მთვარის მტვრის იდენტიფიცირება და მისი ნეგატიური გავლენის შემცირების მექანიზმები და ა.შ.  ჰაკათონის ფარგლებში, ისევე, როგორც სხვა ქვეყნებში გამართული Space Apps Challenge-ის მონაწილეებს, საქართველოშიც ჰქონდათ ხუთი სამუშაო თემა: ოკეანეები, მთვარე, მზის სისტემის პლანეტები და ეგზოპლანეტები, გზა დედამიწიდან ვარსკვლავებისკენ, ცხოვრება ჩვენს სამყაროში. თემის არჩევის შემდეგ, მონაწილეებმა 48 საათის განმავლობაში იმუშავეს ისეთ პროექტებზე, როგორებიცაა: ღია ოკეანეში ინტერნეტთან წვდომის პრობლემის გადაჭრა, ვიდეოთამაშის მოფიქრება კოსმოსური ნარჩენების შესაგროვებლად; ციფრული გლობუსის ვებაპლიკაციის შექმნა, რომელიც დედამიწის სამეცნიერო მონაცემების ვიზუალიზაციას NASA-ს Web WorldWind-ის გამოყენებით შეძლებს და სხვა.  „საქართველოს ბანკისთვის მნიშვნელოვანია ინოვაციური პროექტების განხორციელების მხარდაჭერა. განსაკუთრებით ისეთი ფორმატისა, რომელშიც გამორჩეულ და საინტერესო იდეების მქონე ადამიანებს აქვთ შესაძლებლობა,  ფართო საზოგადოებას გააცნონ საკუთარი მიგნებები და ამავე დროს, გააცნონ საქართველო მსოფლიოს. საქართველოს ბანკისთვის მნიშვნელოვანია მსგავსი ღონისძიებების მხარდაჭერით ინოვაციების ხელშეწყობა“, - აცხადებენ საქართველოს ბანკში.  ინფორმაციისთვის, NASA Space Apps მსოფლიოში ყველაზე ფართომასშტაბიანი ჰაკათონია, რომელიც ერთდროულად იმართება 200 სხვადასხვა ადგილას და 48 საათი მიმდინარეობს. ის ინოვაციათა ინკუბატორის პროგრამაა. ჰაკათონში მონაწილეობა შეუძლია ყველას, ვისაც შეუსრულდა 18 წელი და დაინტერესებულია დედამიწისა და კოსმოსის კვლევებით, კოდირებით, ტექნოლოგიებით, დიზაინითა და სხვა გამოყენებითი მეცნიერებებით. პირველ და მეორე ადგილზე გასულ პროექტებს ფულადი ჯილდოები გადაეცათ. გამარჯვებულია გუნდი Algien პროექტით -  Nature at work, რომელიც ორიენტირებულია  წყლის რესურსების მართვისა და რისკების შემცირების სფეროში მწვანე ინფრასტრუქტურის რთული ამოცანების გადაჭრაზე. ასევე, გუნდი Baby Shark პროექტით- Ship chain, რომელიც  ღია ოკეანეში ინტერნეტთან წვდომის პრობლემის გადაჭრას ემსახურება. NASA Space Apps Challenge ჰაკათონის საუკეთესო პროექტებს Global Awards-ის დაჯილდოებაზე წარადგენენ. ... ...
  • ოზურგეთის "ლაშეს" სტადიონის შეტრიალების ინიციატივით დასრულებული ხანგრძლივი დავა ხმაური და ხანგრძლივი დავა მოჰყვა ოზურგეთის მუნიციპალიტეტის საკრებულოს სხდომათა დარბაზში ჩატარებულ თანამონაწილეობითი ბიუჯეტირების პროექტის ფარგლებში  გამარჯვებული პროექტის _  „ლაშეს სტადიონის კეთილმოწყობა“ _ ავტორებთან, მხარდამჭერებთან და დაინტერესებულ პირებთან ერთად განხილვას. მხარდამჭერი მოქალაქეები, მწვრთნელი აკაკი ათუაშვილი, არასამთავრობო და სამთავრობო სექტორის წარომადგენლები დიდხანს დაობდნენ ლაშეს  სტადიონის ტერიტორიის განაშენიანების პროექტზე, რომლისთვისაც 75 ათასი ლარია გათვალისწინებული. აზრთა სხვადასხვაობა თავიდან გამოიწვია შენობის და სხვა ნაგებობების  განთავსების თემამ. _ ჩვენ  ვინც ვართ  ფეხბურთის სპეციალისტები და როგორც ვიტყვით, ის აზრი გათვალისწინებული უნდა იქნეს. მაქვს კითხვა, არის თუ არა სტადიონი სტანდარტში ჩამჯდარი? იქ კეთდება სარბენი ბილიკები, კალათბურთის მოედანი, მაგრამ ჩვენ ფეხბურთის კუთხით ვუყურებთ პირველ რიგში, დღეს აქ ვერ  ვხედავ პიროვნებას, ვინც პროექტი დაწერა, _ თქვა  მწვრთნელმა აკაკი ათუაშვილმა, რაზეც უპასუხეს, რომ პროექტი შედგა ხალხის გამოკითხვის მხარდაჭერით. _ მოსახლეობის გამოკითხვას  მე ვუძღვებოდი, კარგად ვიცი, რა უნდათ _ დიდი ჯოხით  როდის შემორეკონ ძროხები სტადიონზე, _ თქვა გაბრაზებულმა მწვრთნელმა. შეღობვა, სანიაღვრე არხების მოწყობა, დამატებითი სივრცის გამოყოფა _  ეს და კიდევ მრავალი პრობლემური საკითხი წამოსწიეს განხილვის მონაწილეებმა, თუმცა, აკაკი ათუაშვილი დაჟინებით  ითხოვდა სტადიონის მიმდებარე სივრცის გადიდებას, რაც გასახდელების ბოლომდე,   საზღვრის ღობემდე მიწევას გულისხმობდა. _ ვარჯიში სხვა რამეა და თამაში _ სხვა! როცა ვარჯიშია, შეიძლება სტადიონის ერთ ნახევარზე ერთმა ჯგუფმა  ივარჯიშოს და მეორეზე _ მეორემ.  ჩვენ გვჭირდება სივრცე და ეს სივრცე გვაქვს და ამისდაკარგვა არ შეიძლება.  გასახდელები უნდა მივიწიოთ, რომ სივრცე გათავისუფლდეს, _ ასე ვინ  შეადგინა ეს პროექტი, მეარ მეასმის, _ არ ცხრებოდა ათუაშვილი.   _ გადაწყვეტილი არაფერია. ეს პროექტი  თქვენია, თქვენ მოიგეთ და როგორც გსურთ, ისე უნდა გაკეთდეს. გამოგიგზავნით  გენგეგმას, ერთხელ კიდევ დავსხდეთ, შეიტანეთ ცვლილებები, როგორც ჩათვლით საჭიროდ, _ უთხრა ათუაშვილს ოზურგეთის მუნიციპალიტეტის მერის მრჩეველმა ალეკო ბერიძემ, რომელიც განხილვაში აქტიურად მონაწილეობდა და გამუდმებით არწმუნებდა ლაშეს სტადიონის მოწყობის მხარდამჭერებს, რომ ყველაფრი ისე გაკეთდებოდა, როგორც მათ სურდათ. _მე თანახმა ვარ, თუ სტადიონი შეტრიალდება, სივრცე მეტი დარჩება. გარდა ამისა, ახლანდელ შემთხვევაში  დასავლეთ და აღმოსავლეთ  მიმართულებები არ არის გათვალისწინებული  და მეკარეს მზე პირდაპირ  თვალებში ანათებს, _ თქვა ბერიძემ. _აგაშენა  ღმერთმა, მეც ამის თქმა მინდოდა, მაგრამ ბოძების ხელახლა ამოთხრა და სხვა სამუშაოები დამატებით ხარჯებს მოითხოვს და ამიტომ ვერ ვთქვი, _ თქვა ათუაშვილმა. _სჯობს ათასი ლარით მეტი დაიხარჯოს და მოვიძიოთ ეს თანხა, ვიდრე 75 ათას ლარიანი პროექტი გახორციელდეს და უყაირათოდ გაიხარჯოს და ხელახლა გახდეს საკეთებელი, _ უთხრა მას ალეკო ბერიძემ. ხანგრძლივი დავისა და ხმამაღალი  უთანხმოების გამოხატვით გაწელილი  განხილვა მალევე დასრულდა შეთანხმებით, _ მიიღეს  სტადიონის შეტრიალების  გადაწყვეტილება.    დააზუსტეს,  რომ ასეთ შემთხვევაში  სივრცე მეტი დარჩებოდა და აქამდე მიუღწეველი შეთანხმებაც შედგა. „გურია ნიუსის“ კითხვაზე, სტადიონის შეტრიალებით როგორ  მოგვარდებოდა პრობლემა, უფრო ზუსტად რომ ეთქვათ, ალეკო ბერიძემ განაცხადა, რომ მთავარია ისიც,  თამაშის დროს მეკარეს მზე არ მიანათებს თვალებში. _ მზის მინათებისთვის არ დაობდა მწვრთნელი ათუაშვილი. სივრცე აინტრესებდა... _ სხვა რამეზე დაობდა. ის დაობდა, რომ გასახდელი, რომელიც ახლოს არ იყო სტადიონთან, გადატანილიყო ღობესთან და გასახდელს და სტადიონს შორის გამოთავისუფლდებოდა ადგილი. ახლა, სტადიონის შეტრიალებით,  ის სადავო საკითხი ამოვარდა და სივრცეც დარჩება. ამ ყველაფერს როცა ადგილზე ნახავთ, უფრო მიხვდებით. _ თავიდანვე ასე რომ გადაგეწყვიტათ? _ კამათში იბადება ჭეშმარიტება, _ რიტორიკა მოიშველია  ბერიძემ, რის განმტკიცებაშიც მას  საკრებულოს პარატის უფროსი  ნანა თავდუმაძეც შეეშველა: „სამოქალაქო ბიუჯეტირება კარგად ხორცილედება და კონსესუსის მიღწევა შესაძლებელია  მაშინ, როცა  არის უწყვეტი კომუნიკაცია, აზრთა შეჯერება, როგორც დღეს მოხდა აქ,“  _თქვა ... ...
  • სოფელ დარჩელში ბაბუამ შვილიშვილი დაჭრაზუგდიდის მუნიციპალიტეტის, სოფელ დარჩელში ბაბუამ შვილიშვილი დაჭრა. დაჭრილი 27 წლის ასაკის მამაკაცია. როგორც საქართველოს პირველი არხის ჟურნალისტი იუწყება, დაშავებული კლინიკაში ზუგდიდის რეფერალურ ჰოსპიტალში გადაიყვანეს. ექიმების თქმით, მას მარჯვენა მხარის მიდამოებში სავარაუდოდ, ბასრი საგნით აქვს ჭრილობა აქვს მიყენებული, რომელიც ქირურგიულად დამუშავდა. დაჭრილი პალატაში უკვე გადაიყვანეს და მის სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით, მომხდარზე აღძრულია სისხლის სამართლის საქმე და დაკავებულია 1937 წელს დაბადებული ... ...
  • სუს-ის უფროსის ახალი მოადგილე ლილუაშვილის ბიძაშვილია _ ოპოზიციის ბრალდებები და უმრავლესობის განმარტებადანიშნა თუ არა სუს-ის უფროსმა, გრიგოლ ლილუაშვილმა, საკუთარ მოადგილედ მისი ახლო ნათესავი _ დღეს ამ თემაზე პარლამენტში კომენტარები დილიდან კეთდება. ოპოზიცია ირწმუნება, რომ სუს-ის უფროსის ახალი მოადგილე, გიგა ნიკოლეიშვილი, გრიგოლ ლილუაშვილის ბიძაშვილია. პარლამენტის ფრაქცია "ნაციონალური მოძრაობის" თავმჯდომარე რომან გოცირიძე აცხადებს, რომ ლილუაშვილი ქვეყანაში არსებული ნეპოტისტური ცხოვრების წესის პრინციპით მოიქცა, რაც მას არ აკვირვებს.  "თუ ნდობაზეა საკითხი, ვის უნდა ენდოს თუ არა ახლობელს. რა თქმა უნდა, სანდო ადამიანია და სანდოობის პრინციპით და დღეს საქართველოში მოქმედი ნეპოტისტური ცხოვრების წესის პრინციპით მოიქცა, ისე, როგორც უნდა მოქცეულიყო. რა გიკვირთ? მე პირიქით გამიკვირდებოდა, რომ ღია კონკურსი გამოეცხადებინათ და მსოფლიოში საუკეთესო სპეციალისტი ჩამოეყვანა მოადგილედ," - განაცხადა რომან გოცირიძემ. მმართველ გუნდში აცხადებენ, რომ მსგავს ინფორმაციას არ ფლობენ და ფაქტს უარყოფენ. პარლამენტის საგარეო ურთიერთობათა კომიტეტის თავმჯდომარის მოადგილე ამბობს, რომ არანაირ მსგავს ინფორმაციას არ ფლობს. დიმიტრი ცქიტიშვილი აცხადებს, რომ გიგა ნიკოლეიშვილი საკმაოდ გამოცდილი კადრია და ის დიდი ხანია რაც არსებულ სისტემაში მუშაობს. "ბიძაშვილია ნამდვილად? სხვა არაფერი არ აქვს იმ ადამიანს? ანუ მე არ ვიცი ვინაა, მაგრამ მას სხვა დამსახურებები არა აქვს სამსახურში? არ ვიცი, მე ვერ გეტყვით რამდენად ბიძაშვილია თუ არა, მე რამდენადაც ვიცი ეს პიროვნება დიდი ხანია მუშაობს ამ სისტემაში და არის გამოცდილი. დანარჩენი დეტალები არ ვიცი. არ ვიცი ბიძაშვილია თუ არა და ვერ გეტყვით, თქვენ ამბობთ, რომ ბიძაშვილია და შეიძლება არც არის, შეიძლება ნათესავია, საქართველოში ბევრი ვიღაცა ერთმანეთის ნათესავია," - აცხადებს დიმიტრი ცქიტიშვილი. ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...