ღია წერილი გიორგი ვოლსკის _ დაფინანსებული ტროლები, აგრესია და ბულინგი ვერ შეგვაშინებს!

მთავარი თემა

ღია წერილი გიორგი ვოლსკის _ დაფინანსებული ტროლები, აგრესია და ბულინგი ვერ შეგვაშინებს!

2019 სექ 11 13:37:26

„აზრის გამოთქმა რომელიმე საგანზე თვით საგნის შეუსწავლელად და შეუგნებლად, მხოლოდ რეგვენ ადამიანს შეუძლია“, _ ვაჟა-ფშაველას ეს სიტყვები, სოციალურ ქსელში, 10 სექტემბერს ძალიან აქტუალური მას შემდეგ გახდა, რაც NATO-ს ყოფილი გენერალური მდივნის, ანდერს ფოგ რასმუსენის განცხადება საქართველოს ნატოში გაწევრიანების შესახებ ბევრმა არასწორად გადათარგმნა და საზოგადოება შეცდომაში შეიყვანა.

უფრო დეტალურად: 10 სექტემბერს, ონლაინ სააგენტო “interpressnews.ge”-მ გამოაქვეყნა სტატია, სათაურით _ “ანდერს ფოგ რასმუსენი: ვფიქრობ, უნდა დაიწყოთ დისკუსიები, მისაღებია თუ არა საქართველოსთვის, შეუერთდეს ნატო-ს აფხაზეთისა და „სამხრეთ ოსეთის“ გარეშე”.

სტატიაში მოცემულია ამონარიდები რასმუსენის ინტერვიუდან, სადაც ის საუბრობს NATO-საქართველოს ურთიერთობებსა და მომავალი წევრობის საკითხზე.

“interpressnews”-მა მოგვიანებით სათაური დააკორექტირა, რადგან ის იყო შეცდომაში შემყვანი და წინააღმდეგობაში მოდიოდა სტატიის შინაარსთან და კონტექსტთან. “interpressnews”-ის სტატია, ინტერპრეტირებული აღწერით, ასევე გადააზიარა ფეისბუქ გვერდმა “Politicano • პოლიტიკანო”, რომელმაც საკითხი ლიბერალებს დაუკავშირა. რასმუსენის განცხადებას მოჰყვა მანიპულაციური შეფასებები პარტია “ქართული ოცნების” დეპუტატის გია ვოლსკის მხრიდანაც. 

„აფხაზეთსა და ცხინვალზე უარს არ ვიტყვით, რადგან ეს არის ისტორიის და სახელმწიფოს წინააღმდეგ სვლა“, _ უთხრა ვოლსკიმ „ინტერპრესნიუსს“.

„აღნიშნული თემის მანიპულაციური ინტერპრეტირება ქმნის შთაბეჭდილებას, თითქოს, საქართველომ ნატოში გასაწევრიანებლად ოკუპირებულ ტერიტორიებზე უარი უნდა თქვას. რეალურად, რასმუსენის განცხადებით, ალიანსში საქართველოს გაწევრიანების შემთხვევაში, შესაძლოა, განიხილებოდეს შეთანხმება, რომლის თანახმადაც, NATO-ს წესდების მე-5 მუხლი, პირველ ეტაპზე, მხოლოდ საქართველოს მთავრობის მიერ კონტროლირებად ტერიტორიებს დაფარავს და ოკუპირებულ ტერიტორიებზე მხოლოდ საქართველოს იურისდიქციის აღდგენის შემდეგ ამოქმედდება. რასმუსენმა ილუსტრირებისთვის გერმანიის მაგალითი მოიყვანა, როდესაც გერმანია NATO-ს წევრი 1955 წელს გახდა, ხოლო გერმანიის დემოკრატიულ რესპუბლიკაზე (აღმოსავლეთ გერმანია) ატლანტიკური ალიანსის წევრობა მხოლოდ 1990 წლიდან, ანუ გერმანიის გაერთიანების შემდეგ ამოქმედდა“, _ წერს “მითების დეტექტორი”.

თუმცა, „მითები დეტექტორის“ განმარტებამდე, სოციალურ ქსელში ბევრი კომენტარი გაკეთდა და ვოლსკი არასწორი ინფორმაციის გავრცელებაში ბევრმა დაადანაშაულა.

ის, რომ განცხადება არასწორი იყო და რასმუსენის კომენტარი ცუდად გადათარგმნილი, უმრავლესობის ლიდერს „გურია ნიუსის“ ჟურნალისტმა ნატო გოგელიამაც შეახსენა სოციალურ ქსელში:

თუ ინგლისური არ იცის ვინმემ უთარგმნეთ, ბოლოს და ბოლოს დაუწერეთ და მერე გააკეთებინეთ განცხადება. აზრი ვერ გამოაქვთ და საზოგადოებაც შეცდომაში შეყავთ“, _ მიმართა გოგელიამ პარლამენტის თავმჯდომარეს არჩილ თალაკვაძეს და ამავე პოსტზე, საჯარო გზავნილი გიორგი ვოლსკსაც გაუგზავნა:

გიორგი ვოლსკი! იმედია, ამას ბულინგს არ უწოდებთ და ტროლებს არ მომიგზავნით (თუმცა, არც ესაა პრობლემა). ამ ქვეყნის გულშემატკივრის რჩევაა ეს და „ნაცობას“ ნუ დამაბრალებთ ამის გამო. და მთავარი _ რასმუსენმა თქვა, რომ დავიწყოთ დისკუსია იმაზე, ხომ არ შევიდეს საქართველო ნატოში საერთაშორისოდ აღიარებულ საზღვრებში, აფხაზეთით და ცხინვალით, თუმცა, კონფლიქტების მოგვარებამდე ალიანსის მე-5 მუხლი (კოლექტიური თავდაცვა) არ გავრცელდეს კონფლიქტურ ზონებზე. დავესესხები Konstantine Shubitidze-ს და მისსავე განმარტებას გეტყვით _ ამ ინიციატივის არსი მდგომარეობს იმაში, რომ ალიანსის სკეპტიკურად განწყობილ ქვეყნებს გაუმარტივდეთ ჩვენი ქვეყნის გაწევრიანებაზე დათანხმება და უაზრო არგუმენტები გამოეცალოთ ხელიდან“, _ დაწერა გოგელიამ.

საპარლამენტო უმრავლესობის ლიდერს ამ პოსტზე კომენტარი არ გაუკეთებია, თუმცა, მოგვიანებით, თავდაცვის ყოფილი მინისტრის, თინა ხიდაშელის პოსტზე, რომელიც, ასევე, აკრიტიკებდა ვოლსკის მანიპულაციას, „გურია ნიუსის“ ჟურნალისტი აუგად მოიხსენია _ თანაც ისე, რომ ე. წ. თაგი არ გაუკეთებია.

„ნებისმიერ საერთაშორისო ორგანიზაციაში საქართველოს მიღება იმ ტერიტორიითა და იმ საზღვრებით უნდა მოხდეს, რომელსაც საერთაშორისო თანამეგობრობა, მათ შორის NATO ცნობს, თინა! ესაა პასუხი შეკითხვაზე _ ვიზიარებ თუ არა რასმუსენის მოსაზრებას, "რომ საქართველომ უნდა დაიწყოს დისკუსია, რამდენად მისაღებია მისთვის ნატო-ში აფხაზეთისა და „სამხრეთ ოსეთის“ გარეშე გაწევრიანება".

შემდგომ არა ერთი კომენტარი გავაკეთე. მაგ კომენტარშიც ჩანს მთავარი ხაზი _ "ნატო საქართველოს ტერიტორიული მთლიანობის მხარდამჭერია" და ეს ვითომ არ ყოფილა:)) ანუ შეგნებულად ამახინჯებ...
რაც შეეხება "5-ე მუხლის გარეშე", ამაზე აპატურაიმ გასცა პასუხი, რომ არარეალისტურია! რაო, მოსკოვის აგენტია?!

რა მძიმე წასაკითხია, რამეს რომ გაბრალებენ... ჩემი "ადრეული პარტიულობა" არ განაპირობებს დამოკიდებულებას ქვეყნის, თუნდაც ჩემი და თქვენი შვილების ინტერესების მიმართ, ისევე, როგორც დათო უსუფაშვილის...
ადრე პოლონეთის ცკ-ს პირველი მდივანი იყო კვაშნიევსკი, რომელმაც პოლონეთი ნატოში შეიყვანა, შარტავა ჩემი უფროსი იყო _ საქართველოს გმირი. მაგალითებს აღარ ჩამოვთვლი.

არ ვიცი, აქვს თუ არა აზრი ამის მოწერას, მაგრამ არასოდეს მიკადრია დაბრალება, შენც ნუღარ იკადრებ _ ნატო გოგელია ხომ არა ხარ?:))“ _ მიმართა ხიდაშელს საპარლამენტო უმრავლესობის ლიდერმა.

ამ გზავნილის გამო,  ნატო გოგელიამ ვოლსკის შესაბამისი ახსნა-განმარტება საჯაროდ მოსთხოვა:

„დაგეთაგეთ მაინც... ჩუმად, სხვის კედელზე, რომ მომიხსენიებთ ცუდად; ეს, არ მგონია, ვაჟკაცური საქციელი იყოს. და ახლა მთავარზე _ აბა, ბრძანეთ, რა დაგაბრალეთ და რა არ ყოფილა? ჯერ თქვენ გისმენთ და მერე მე გეტყვით, რას იბრალებთ, რას არ აკეთებთ და სად და როდის ავრცელებთ არასწორ ინფორმაციებს (მერე რომ იუარებთ ვიცი, მაგრამ მაინც). Tinatin Khidasheli მაპატიე, შენი კედლის გამოყენება, მაგრამ უმრავლესობის ლიდერმა ჩემს კედელზე არაფერი თქვა და ჩუმად შენთან მომიხსენია საკმაოდ თავხედურად, არასწორად და კაცისთვის შეუფერებლად! ამიტომ, აქვე მოვთხოვ პასუხს! გისმენთ, ბატონო გიორგი!“ _ გოგელიას ამ საჯარო მესიჯს უმრავლესობის ლიდერმა მოკლედ უპასუხა: „აზრი არა აქვს...“

„თქვენ, უმრავლესობის ლიდერი რომ გქვიათ და ასე, სხვის კედელზე ჩუმ-ჩუმად ილანძღებით, იმას აქვს აზრი? რატომ არ გინდათ, ჩამონათვალი გააკეთოთ? რა დაგაბრალეთ ისეთი, რაც არ გითქვამთ? გისმენთ... ბრალდებები და სიტყვის უკან წაღებები კარგად გამოგდით, მაგრამ გურიაში არ ვიცით მასე (ვფიქრობ, დახურულ შეხვედრაზე მაინც მიხვდებოდით) და არც უკან დახევა გვიყვარს... სიმართლისთვის ბევრი გვიბრძოლია... აი, იმ წლებში, როცა თქვენ მართლა არ ვიცი, სად იყავით, ჩვენ სიმართლეს ვამბობდით და ამის დიდი დამსახურებაა, რომ თქვენ უმრავლესობის ლიდერი ხართ. თუმცა, თქვენ ეს სულ არ გაინტერესებთ _ თქვენთვის მთავარი "იარლიყების მიკერებაა", მაგრამ მე იმ კატეგორიაში არ გავდივარ, ვინც ამას დუმილით შეხვდება. ამიტომ, გისმენთ _ სიტყვას ფაქტები მოაყოლეთ. ან - იტყვით, ან მე თქვენს დუმილს იმის ნიშნად მივიღებ, რომ სიცრუე აღიარეთ...“ _ ჩვენი ჟურნალისტის ეს გზავნილი გიორგი ვოლსკიმ უპასუხოდ დატოვა.

რას ნიშნავს მისი დუმილი, მკითხველმა განსაჯოს, თუმცა, ეს პირველი შემთხვევა არაა, როცა გიორგი ვოლსკი თავს გვესხმის. რამდენიმე დღის წინ, მის მიერ, გურიაში გაკეთებული განცხადება, რომლის თანახმადაც, თხილის ფასის დარეგულირებაში სუს-ს ჩართავდა, ხმაურის მიზეზი გახდა. კომენტარი იმის შესახებ, რომ ვოლსკის განცხადება ბიზნესზე ზეწოლას ნიშნავდა და შესაბამისი გამოხმაურებები, რომ პოლიტიკოსი ასეთ განცხადებებს არ უნდა აკეთებდეს, ვოლკისთვის გამაღიზიანებელი აღმოჩნდა. ჯერ ნათქვამი უარყო, რის შემდეგაც, ჩვენი ჟურნალისტის სოციალურ გვერდს ფეისბუქში, სადაც მასალა იყო დაანონსებული, “ტროლები“ შეესია. მოგვიანებით კი, საკუთარ გვერდზე განცხადება გაავრცელა და აღნიშნა, რომ მას „ზოგიერთი ჟურნალისტი აბულინგებდა“.

მართალია, იმ განცხადებაში საპარლამენტო უმრავლესობის ლიდერს „გურია ნიუსის“ ჟურნალისტის სახელი და გვარი არ დაუკონკრეტებია, თუმცა, განცხადების შინაარსით ნათელი იყო, რომ ჩვენს ჟურნალისტს გულისხმობდა. იმის მიუხედავად, რომ ბატონ გიორგის შეეძლო ნებისმიერი პრეტენზია და მოსაზრება “გურია ნიუსის“ მენეჯმენტთან განეხილა (ჩვენი მედიასაშუალება შეცდომის ან უზუსტობის შემთხვევაში, ბოდიშის მოხდას, ჩასწორებას ეთიკურობად მიიჩნევს), უმრავლესობის ლიდერმა სხვა გზა აირჩია _ სამწუხაროდ, როგორც ჩვენი წყაროები ადასტურებენ, გიორგი ვოლსკი შეხვედრიდან-შეხვედრაზე, იმის გარკვევას ცდილობდა, იყო თუ არა „გურია ნიუსი“ „ნაციონალური მოძრაობის“ მხარდამჭერი.

რას და რა ფორმით გაარკვევს უმრავლესობის ლიდერი, რომელიც კედელ-კედელ და შეხვედრა-შეხვედრა ჩვენზე არასწორ ინფორმაციას ავრცელებს, შეიძლება დიდად ყურადღების მისაქცევი არ ყოფილიყო, მაგრამ იქიდან გამომდინარე, რომ ამას დასასრული არ უჩანს, ვფიქრობთ, რამდენიმე სიტყვით წარსული უნდა გავიხსენოთ.

შეგახსენებთ მის ბიოგრაფიას: 1984-დან 1990 წლამდე კომუნისტური პარტიის ცენტრალური კომიტეტის ინსტრუქტორი იყო (ანუ ამ თანამდებობაზე 1989 წლის 9 აპრილის ტრაგედიის შემდეგაც მუშაობდა; შემდეგ, შევარდნაძის ხელისუფლებაში სხვადასხვა მაღალ თანამდებობებს იკავებდა - 2003 წელს, საქართველოს საგარეო საქმეთა სამინისტროში მუდმივი წარმომადგენლის მოადგილე იყო; 2003-2004 წლებში საქართველოს ეროვნული უშიშროების საბჭოს აპარატში, სპეციალური თანაშემწე; 2004-2006 წლებში, საქართველოს მთავრობის კანცელარიაში აპარატის უფროსის თანამდებობა ეკავა; 2006-2007 წლებში  - საქართველოს საგარეო საქმეთა სამინისტროს თანამშრომელი და საგანგებო დავალებათა ელჩი; 2007-2011 წლებში, საგარეო საქმეთა სამინისტროს დიპსამსახურის რეზერვი გახლდათ.

ბრძოლაში, რომელშიც ჩვენ წლების განმავლობაში, ამ, ამისწინა, იმისწინა და იმისწინაწინა ხელისუფლებებთან ვიყავით (მხოლოდ იმისთვის, რომ გვქონოდა სიტყვის თავისუფლება, სამართლიანი სასამართლო, აპოლიტიკური პროკურატურა და ა.შ.) მისი თანადგომა არ გვახსოვს.

ბატონ გიორგის წარმოდგენა არ აქვს რას ნიშნავს დევნა, შევიწროება, არ უნახავს როგორ დასდევდნენ ჩვენს ჟურნალისტებს, მათი ოჯახის წევრებს. არც ის ეცოდინება, რომ „გურია ნიუსი“ იყო პირველი მედიასაშუალება, რომელმაც ციხეებში არსებული ვითარება, მათ შორის, სერგო თეთრაძის საქმე არაერთხელ გაახმაურა „ნაციონალური მოძრაობის“ დროს; არც ის, რომ ჩვენ ვიყავით პირველები, რომლებმაც ლაფანყურის სპეცოპერაციაზე დავწერეთ და ჩვენგან იგებდა მთელი ქვეყანა იმ რეალობას, რაც ლაფანყურში ხდებოდა; არც ის ეცოდინება, რომ სწორედ ნატო გოგელია დაშავდა 26 მაისს და არც ის, რომ მაშინ ვანო მერაბიშვილის წინააღმდეგ სასამართლოს მივმართეთ (და, რაც არ უნდა გაგიკვირდეთ, მოვიგეთ კიდეც!). “გურია ნიუსი“ იყო ბევრი საკანონმდებლო ცვლილების, საპროტესტო მოძრაობის ინიციატორი (ხანდახან _ მარტოც!), რომელმაც წინა და იმისწინა ხელისუფლებების ძალაუფლებით ტკბობის დასრულებაში წვლილი შეიტანა.

რაც შეეხება დღევანდელობას; ბატონო გიორგი, ჩვენთვის „იარლიყების მოკერებას“ , ჩვენ გუნდში მტრების ძიებას გირჩევთ, საკუთარ გუნდს მიხედოთ _ მიმოიხედეთ, რამდენი საეჭვო პოლიტიკური წარსულის ადამიანი გყავთ გვერდით. ჩვენი პროფესიული ვალი კი, პოლიტიკური მეხსიერების, ჩავლილი და მიმდინარე მოვლენების, ფაქტები ერთგულებაა. ამიტომ, ნუ გექნებათ იმის ილუზია, რომ ზუსტად ისევე არ დავწერთ ამ ხელისუფლების შეცდომებზე, როგორც წინა ხელისუფლებაზე ვამბობდით! გვჯერა და გვწამს, რომ ამით სწორედ ხელისუფლებას ვეხმარებით, რომ დასასრული არ მოიახლოვოს!

ჩვენ არ ვართ, არ ვყოფილვართ და არც ვიქნებით კონტროლირებადი მედია! ჩვენ ყოველთვის ვაწვდიდით ჩვენს მკითხველს გადამოწმებულ, ობიექტურ ინფორმაცის და ვამბობდით სიმართლეს!

ისევე, როგორც წინა ხელისუფლებების დროს, ახლაც ვუყვებით ადამიანებს კორუფციაზე, უკანონობაზე, შერჩევით სამართალზე, ყველაფერ იმაზე, რაზეც ეს ხელისუფლება თვალს ხუჭავს და ასეც გავაგრძელებთ.

გვერწმუნეთ, ვერც დაფინანსებული ტროლები, ვერც მაღალჩინოსნების აგრესია და მართლაც რომ ბულინგი ვერ შეგვაშინებს!

ჩვენ ვმუშაობდით და ვიმუშავებთ ხალხისთვის და იგივეს გირჩევთ თქვენ _ სწორედ ამაში გიხდით ხელფასს საჯარო მოხელეებს და არა არასამართლიანი პოლიტიკით, სიტყვით თუ პოსტით საზოგადოების განაწყენებაში!

წინ 2020 წლის არჩევნებია. ალბათ, მანამდე, კიდევ ბევრი “ტროლი“ გამოჩნდება, კიდევ მეტი აგრესია წამოვა, ბევრს ნერვები უმტყუნებს, მაგრამ პოლიტიკოსების  სიძლიერე ძველ მეთოდებზე უარის თქმით, სამართლიანობის ერთგულებით, ღირსეული შრომის დაფასებით და ქვეყნის ინტერესების საკუთარ სიცოცხლეზე მაღალა დაყენებით იზომება. ეს მარტივი ჭეშმარიტება, სამწუხაროდ, ხელისუფლებაში მისვლამდე ყველასთვის გასაგებია, მისვლის შემდეგ _ ერთეულებისთვის რჩება ღირებულად.

 




 ახალი ამბები
  • გამყრელიძე: ყველაფერი კეთდება, რომ ინფექციის შემოტანის პრევენცია მოხდესდაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით ე.წ. კორონავირუსთან დაკავშირებით საქართველოში პანიკის საფუძველი არ არსებობს. მისი თქმით, ევროპის დაავადებათა კონტროლის ცენტრის კლასიფიკაციით საქართველო ე.წ. მწვანე, ანუ დაბალი რისკის ზონაშია. ამირან გამყრელიძის თქმით, ქვეყანაში ყველაფერი კეთდება, რათა ინფექციის შემოტანის პრევენცია მოხდეს. „პანიკის საფუძველი არ არის. საქართველო ამ ეტაპზე რჩება ე.წ. მწვანე ზონაში ევროპის დაავადებათა კონტროლის ცენტრის კლასიფიკაციით, ანუ დაბალი რისკის ზონაში, თუმცა, რა თქმა უნდა, რადგან მიმოსვლა ჩინეთთან არის და ყოველთვიურად დაახლოებით 4-დან 5 ათასამდე ადამიანი შემოდის ჩინეთიდან, რა თქმა უნდა, რისკი ინფექციის შემოტანისა, არის, ამიტომ ქვეყანაში ყველაფერი კეთდება იმისთვის, რომ მოვახდინოთ პრევენცია ინფექციის შემოტანის. შემუშავებულია შესაბამისი ალგორითმი, შემოსავლების სამსახურს დაურიგდა სამ ენაზე ჯანმრთელობის მსოფლიო ორგანიზაციისა და ჩვენ მიერ შემუშავებული ტექსტი რეკომენდაციებისა, რომელიც ურიგდება ჩინეთიდან და განსაკუთრებით ქალაქ უჰანიდან შემოსულ ყველა ადამიანს, ასევე იმ პროვინციიდან რომლის დედაქალაქის უჰანია. საჭიროა, რომ ისინი გაეცნონ და თუ უკანასკნელი ორი კვირის განმავლობაში ან შემოსვლიდან შემდგომი ორი კვირის გამავლობაში განუვითარდებათ სიმპტომები - მაღალი ტემპერატურა, თავის ტკივილი, ყელის ტკივილი, სუნთქვის გაძნელება, ხველა, აუცილებელია, რომ მიმართონ სამედიცინო დაწესებულებებს, მათ შორის გამოყოფილია ოთხი სამედიცინო დაწესებულება - თბილისის, ქუთაისის, ბათუმისა და ზუგდიდის ინფექციური საავადმყოფოები, სადაც სრულად მოემსახურებიან და გაუწვენ სამედიცინო დახმარებას“, - განაცხადა ამირან გამყრელიძემ. ... ...
  • გარყვნილი ქმედება და ძალადობა არასრულწლოვანზე- ბრალდებულს თავისუფლების აღკვეთა მიესაჯაბოლნისის რაიონულმა სასამართლომ სრულად გაიზიარა ბრალდების მხარის მიერ წარდგენილი მტკიცებულებები და წინასწარი შეცნობით 16 წელს მიუღწეველთან გარყვნილი ქმედებისთვის და  ძალადობისთვის ბრალდებული დ.ჯ. დამნაშავედ ცნო. სასამართლოში წარდგენილი მტკიცებულებებით დადასტურდა, რომ 2018 წლის 4 სექტემბერს, დ.ჯ.-მ წინასწარი შეცნობით 16 წელს მიუღწეველ თანასოფლელ გოგონასთან გარყვნილი ქმედება ჩაიდინა,  შემდეგ კი მუცლის არეში ხელი დაარტყა. სამართალდამცველებმა დ.ჯ. 2019 წლის 13 ივნისს დააკავეს. მას ბრალდება  საქართველოს  სისხლის სამართლის კოდექსის 141-ე მუხლის პირველი ნაწილით (გარყვნილი ქმედება) და   126-ე მუხლის I1 ნაწილის „ა" ქვეპუნქტით (სხვაგვარი ძალადობა, წინასწარი შეცნობით არასრულწლოვნის მიმართ) წარედგინა და აღკვეთის ღონისძიების სახით პატიმრობა შეეფარდა. ბოლნისის რაიონულმა სასამართლომ დ.ჯ. დამნაშავედ ცნო წარდგენილ ბრალდებებში და  სასჯელის სახედ და ზომად 5 წლით და 6 თვით თავისუფლების აღკვეთა ... ...
  • „ცენტრ პოინტის“ დაუსრულებელ მშენებლობებთან დაკავშირებით თბილისის მერიაში შეხვედრა გაიმართა თბილისის მერი კახა კალაძე კომპანია „ცენტრ პოინტის“ დაუსრულებელ მშენებლობებთან დაკავშირებით, სამშენებლო კომპანიების წარმომადგენლებს შეხვდა და მათ რამდენიმე ობიექტის შესახებ ინფორმაცია გააცნო. “ზოგადად დაუსრულებელი მშენებლობების, მათ შორის კომპანია “ცენტრ პოინტის” პრობლემის გადაჭრა არის დედაქალაქის მთავრობისთვის უმნიშვნელოვანესი საკითხი, რადგან ამის უკან დგანან კონკრეტული ოჯახები, ეს ეხება ათასობით დაზარალებულ ადამიანს.  მივიღეთ გადაწყვეტილება, ეს ხალხი არ დავტოვოთ ბედის ანაბარა,  ჩავერთოთ პროცესში და ჩვენი ძალისხმევით მოვაგვაროთ წლობით დაგროვილი პრობლემა. ეს არ არის პირველი შეხვედრა, ჩვენ ადრეც ვისაუბრეთ, რომ ცენტრ პოინტის პრობლემა დავყავით ორ ნაწილად. პირველი ეხება სარემონტო სამუშაოებს, იქ , სადაც უკვე არსებობს შენობა-ნაგებობები. მეორე ეხება უშუალოდ მშენებლობის წარმოებას, რაც ნულიდან არის ყველაფერი დასაწყები. თბილისის მერია მუშაობს ორივე მიმართულებით, რაც გამოიხატება ჩვენ ხელთ არსებული ბერკეტების ამოქმედებაში და იმ ინვესტორების მხარდაჭერაში, ვინც დაინტერესდება აღნიშნული პროექტებით. უკვე გადადგმულია კონკრეტული ნაბიჯები და გვაქვს გარკვეული შედეგები, თუმცა პროცესი გრძელდება,”-განაცხადა კახა კალაძემ. დღევანდელ შეხვედრაზე თბილისის მერის მოადგილე ილია ელოშვილმა კარკასისა და ქვაბულის (კატლავანის) მდგომარეობაში არსებული სამი ობიექტის შესახებ პრეზენტაცია წარადგინა. კერძოდ, განიხილეს თაბუკაშვილის N7-9, მარშალ გელოვანის N4ა და გურამიშვილის N64-ში არსებული დაუსრულებელი ობიექტები. საუბარია „ცენტრ პოინტის“ მიერ დაზარალებული 387 ოჯახის ფართებით დაკმაყოფილებაზე. ილია ელოშვილის განცხადებით, თბილისის მერია დეტალურ მოლაპარაკებებზე გადავა იმ კომპანიების წარმომადგენლებთან, რომლებიც აღნიშნულ საკითხთან დაკავშირებით, ინტერესსა და მზადყოფნას გამოხატავენ. „დღევანდელი შეხვედრა ხუთი ასაშენებელი ობიექტიდან სამ ობიექტს ეხებოდა. ორ ობიექტზე უკვე მოლაპარაკებებს ვაწარმოებთ და გვყავს ინვესტორები, ხოლო სამი ობიექტის დასასრულებლად ინვესტორები გამოკვეთილი არ იყო. დღეს შევხვდით სამშენებლო კომპანიების იმ ნაწილს, რომლებსაც შეუძლიათ, ამ მასშტაბების პროექტების განხორციელება და მათ აღნიშნულ სამ ობიექტთან დაკავშირებით, ძირითადი ინფორმაციები წარვუდგინეთ. ახლა ველოდებით მათ გამოხმაურებას“,- განაცხადა ილია ელოშვილმა. თბილისის მერიაში გამართულ შეხვედრას სამშენებლო კომპანიებისა და „ცენტრ პოინტის“ მიერ დაზარალებულთა საინიციატივო ჯგუფის წარმომადგენლები ... ...
  • შსს-მ განზრახ მკვლელობის და მკვლელობის მცდელობის გახმაურებული ფაქტი გახსნაშინაგან საქმეთა სამინისტროს თბილისის პოლიციის დეპარტამენტის და თბილისის პროკურატურის თანამშრომლების მიერ ერთობლივად ჩატარებული კომპლექსური საგამოძიებო მოქმედებებისა და ოპერატიულ-სამძებრო ღონისძიებების შედეგად, 2018 წელს თბილისში მომხდარი განზრახ მკვლელობის და მკვლელობის მცდელობის გახმაურებული საქმე გახსნილია. სამართალდამცველებმა, გრიგოლ გუგეშაშვილის განზრახ მკვლელობისა და დოდო გუგეშაშვილის განზრახ მკვლელობის მცდელობის ბრალდებით, წარსულში ნასამართლევი პირი დააკავეს. მოსამართლის განჩინების საფუძველზე დაკავებულია 1975 წელს დაბადებული ზ.მ. დანაშაული 16-დან 20 წლამდე ან უვადო თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა 2018 წლის 7 თებერვალს, თბილისში, დოდო გუგეშაშვილის დროებით საცხოვრებელ სახლში, ცეცხლსასროლი იარაღიდან გასროლით გულმკერდის არეში სხეულზე დაზიანებები მიაყენა დოდო გუგეშაშვილს და მის შვილს - გრიგოლ გუგეშაშვილს, რომელიც მიღებული დაზიანებების შედეგად ადგილზე გარდაიცვალა. თავად დოდო გუგეშაშვილი, დროული სამედიცინო დახმარების შედეგად, სიკვდილს გადაურჩა. შინაგან საქმეთა სამინისტროს თბილისის პოლიციის დეპარტამენტის საგამოძიებო და ოპერატიული სამმართველოების და თბილისის პროკურატურის თანამშრომლების მიერ ერთობლივად ჩატარებული კომპლექსური ღონისძიებების შედეგად დადგინდა აღნიშნული დანაშაულის ჩამდენი პირი, რომელიც 2020 წლის 24 იანვარს თბილისში, ბრალდებულის სახით იქნა დაკავებული. განზრახ მკვლელობისა და ორი ან მეტი პირის მიმართ ჩადენილი განზრახ მკვლელობის მცდელობის ფაქტზე გამოძიება სისხლის სამართლის კოდექსის 108-ე მუხლით და 19-109-ე მუხლის მე-3 ნაწილის „ა“ ქვეპუნქტით ... ...
  • სპეციალური პენიტენციური სამსახური სახალხო დამცველის განცხადებას ეხმაურება2020 წლის 23 იანვარს საქართველოს სახალხო დამცველის N9 პენიტენციურ დაწესებულებაში ვიზიტის თაობაზე სახალხო დამცველისა და მისი აპარატის თანამშრომლების მიერ გუშინ და დღეს სხვადასხვა მედიასაშუალებით გავრცელებულ განცხადებებთან დაკავშირებით, სპეციალური პენიტენციური სამსახური აცხადებს, რომ არც ერთი საკანონმდებლო ნორმა, რომელიც იქნა დასახელებული, რელევანტური არ არის, მით უფრო ვერ იქნება საუბარი მათ დარღვევაზე.კერძოდ, სახალხო დამცველი და მისი წარმომადგენლები მითითებას აკეთებენ „საქართველოს სახალხო დამცველის შესახებ“ საქართველოს ორგანული კანონის მე-19 მუხლზე, რომლის თანახმადაც, „სახალხო დამცველის/სპეციალური პრევენციული ჯგუფის წევრის შეხვედრა პატიმრობაში მყოფ პირებთან კონფიდენციალურია. რაიმე სახის მიყურადება ან თვალთვალი დაუშვებელია.“ სახალხო დამცველი და მისი წარმომადგენლები ასევე მიუთითებენ საქართველოს სისხლის სამართლის კოდექსის 352-ე მუხლზე, რომლის თანახმადაც ისჯება  სახალხო დამცველზე „ნებისმიერი ფორმით ზემოქმედება მისი სამსახურებრივი საქმიანობისათვის ხელის შეშლის მიზნით“. ახსნის გარეშეც აშკარაა, რომ გუშინ, 2020 წლის 23 იანვარს, სახალხო დამცველის N9 პენიტენციურ დაწესებულებაში ვიზიტისას ან მის შემდეგ, სპეციალური პენიტენციური სამსახურის მიერ არც ერთი ზემოხსენებული ნორმა არ დარღვეულა. სახალხო დამცველი შეხვდა იმ პატიმრებს, რომლებთანაც თავად სურდა შეხვედრა და რომლებმაც დაწესებულების თანამშრომლებს არ უთხრეს უარი საკნიდან შეხვედრის ოთახში გადასვლაზე სახალხო დამცველთან შეხვედრის მიზნით. შეხვედრებმა თავისუფალ გარემოში, სრული კონფიდენციალობის პირობებში, დაწესებულების ადმინისტრაციისგან ყოველგვარი ხელშეშლის გარეშე ჩაიარა. სპეციალური პენიტენციური სამსახური მიიჩნევს, რომ თუ სახალხო დამცველი იმის გამო მივიდა პენიტენციურ დაწესებულებაში გაუფრთხილებლად (რისი სრული უფლებაც მას აქვს), რომ საკუთრივ დაწესებულებაში ვიზიტის ფაქტის მედიისგან და ფართო საზოგადოებისაგან გასაიდუმლოება სურდა, მოცემული საიდუმლოების მედიისგან დაცვის გარანტი სპეციალური პენიტენციური სამსახური არამცთუ პრაქტიკაში ვერ იქნება, მას ამგვარი ვალდებულება არც კანონით არ აკისრია. პირიქით, მედიასაშუალებების მხრიდან შემოსულ კითხვას იმის შესახებ, მართალია თუ არა, რომ სახალხო დამცველი პენიტენციურ დაწესებულებაში მივიდა, სპეციალური პენიტენციური სამსახურის შესაბამისი დეპარტამენტი ვალდებულია, პასუხი გასცეს. შეხვედრის ფაქტი არ არის და ვერ იქნება საიდუმლოთი დაცული, მით უფრო, როცა საქმე ეხება საზოგადოებისათვის ცნობილ მსჯავრდებულებს გახმაურებულ სისხლის სამართლის საქმეებზე. აქვე შევნიშნავთ, რომ N9 პენიტენციური დაწესებულების დატოვების შემდეგ, სახალხო დამცველმა ერთ-ერთ სატელევიზიო არხზე ეთერში თავად  განაცხადა: „რაც შეეხება ვის შევხდი (...) ეს არ არის რაღაც განსაკუთრებული კონფიდენციალური საკითხი“. სპეციალური პენიტენციური სამსახური მოწოდებულია იმისკენ, რომ საქართველოს სახალხო დამცველი რაც შეიძლება ხშირად ეწვიოს საპატიმროებს და შეხვდეს პატიმრებს, რომელთაც წლებია და თვეებია, სურთ მასთან შეხვედრა. როდესაც საქმე ეხება საზოგადოების მაღალ ინტერესს საზოგადოებისათვის ცნობილი ამა თუ იმ პატიმრისადმი, სახალხო დამცველის ამგვარ პატიმართან საკუთრივ შეხვედრის ფაქტი სპეციალური პენიტენციური სამსახურის მხრიდან მედიისთვის დამალული ვერ იქნება. რაც შეეხება შეხვედრის მიმდინარეობას და პატიმართან კომუნიკაციას, როგორც ამ, ისე ნებისმიერ სხვა შემთხვევაში, ზედმიწევნით იქნა დაცული კანონის ყველა ნორმა, მათ შორის, კონფიდენციალობის პრინციპი. რაც შეეხება მსჯავრდებულ გურამ დონაძეს, მასთან სახალხო დამცველს კომუნიკაცია არ ჰქონია და ბრიფინგისას დასახელებული საკანონმდებლო ნორმები კავშირშიც კი არ არის მოცემულ საკითხთან. მსჯავრდებულმა პენიტენციური დაწესებულების თანამშრომლებს განუცხადა უარი საკნიდან გამოსვლაზე სახალხო დამცველთან შეხვედრის მიზნით. პატიმარსა და პენიტენციური დაწესებულების თანამშრომელს შორის ამ ტიპის კომუნიკაცია არ არის და ვერ იქნება დაცული საქართველოს სახალხო დამცველის შესახებ ორგანული კანონით. დაბოლოს, პატიმრების მხრიდან არაერთი მოთხოვნის მიუხედავად, მოქმედი სახალხო დამცველი 2019 წელს საერთოდ არ არის ნამყოფი რომელიმე პენიტენციურ დაწესებულებაში. თუმცა, ის 2018 წლის 16 ოქტომბერს იმყოფებოდა N8 პენიტენციურ დაწესებულებაში მსჯავრდებულ მირზა სუბელიანთან და მანვე, დაწესებულებიდან გამოსვლისას მედიასთან კომენტარი გააკეთა და დაასახელა პატიმრის გვარი, რომელსაც შეხვდა, რითაც დაადასტურა შეხვედრის ფაქტი. https://www.myvideo.ge/v/3692568?fbclid=IwAR2CWwN7wYL3Opz8FkxYVbxJtA-xd27InWnr7B8Oq0WQfY7lyr4bltyvaUQ ... ...

არქივი

ზაფრანი

რატომ უნდა დაიბანოთ გაზიანი წყლით

კორეულ კოსმეტიკასა და თავის მოვლის...

სუპერმოდელი ჰადიდი პოდიუმზე „შიშველი კაბით“ გამოჩნდა

ამერიკელი სუპერმოდელი ბელა ჰადიდი ფრანგი...

ყველაზე ცნობილი მოდელი მამაკაცები

ჯონ კორტახარენა რედრუელო -  1985...

ქვეყნები სადაც ყველაზე მაღალი ხელფასებია

ცოტა ხნის წინ Bloomberg-მა გამოაქვეყნა...

როგორ ქალებს დასდევენ ცოლიანი მამაკაცები

ტყუპები ცოლიანი მამაკაცები დაღლილები არიან...

პესიმისტი ზოდიაქოს ნიშნები

კურო - ზოდიაქოს ამ ნიშნის...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...